第21日在美國

今日君君10:45嘅時候喺走廊嗰度大叫爸爸！搞到我都俾佢叫醒左！我聽到爸爸兩聲之後我就即刻走落床，發現佢已經跑來樓梯口嗰度啦！其實佢幾時起身，我真係唔係好知道。所以聽日呢，都係要小心啲。而家君君上落樓梯非常之自如架啦。佢已經唔需要我拖住佢。佢可以自己扶住個牆上上落落，甚至乎拎埋啲波啊上去。

我同佢落樓梯，佢第一時間又係走去雪櫃要食雪條。之後佢都唔肯食我哋琴日買嘅包，一定要食前日食剩嘅飯！仲要一邊睇以前嘅影片，一邊食飯加埋星星餅！晚上同Sufiah 佢地去東來順。君君同啤啤一齊坐Sufiah 車，佢地玩得好開心。君君食咗滷肉飯。回程又係同啤啤同車，君君睇黎好識交朋友呢！