Category: Andy
-
震機
話說抱住君君放學返屋企，行到港運城商場嗰時，老婆仔打電話黎。嗰陣我部電話教咗做震機，明明冇響，但係君君就即刻同我講”電話電話”。 佢竟然知道我褲袋震即係有電話入，真係勁！
-
結婚週年，Oncall一週
要oncall一星期 好忙呀，個電話成日響 好在結婚週年都可以去JW Marriott食個自助餐。雖然有d貴，但都好多嘢食。最緊要老婆食得開心
-
君君認錯
今日君君喺度玩水，爸爸問君君有冇人整濕個地下。君君認左係自己整濕，仲話sorry ,下次唔好。真係乖。
-
第一個家長日
學校第一次嘅家長日，老師話君君係一個attention seeking 同埋會test 老師limit既人。有時佢明明可以自己著鞋，見到老師幫其他同學著，佢都要老師幫。有時同同學鬥大聲。佢照樣會將自己唔鐘意食既野送俾隔離同學😅
-
君君乖
今日同我講：「我掛住你呀。」
-
去廁所
今日，君君第一次自己去小便！
-
君君嘅奸仔事件簿
今日君君無端端自己喺度講，我鍾意爸爸多啲。我望一望佢，佢就加多句，我鍾意媽媽多啲。我有啲開心嘅時候，佢又講，我鍾意君君多啲。原來君君嘅嘢都唔係咁可信嘅。
-
新嘅玩具櫃
今日爸爸有個提議，就係買個玩具櫃俾君君。爸爸認為，咁樣可以訓練自己決定玩玩乜嘢玩具，有多啲自主性。我哋行咗宜家傢俬，又行咗實惠，最後喺實惠嗰度買咗兩個櫃俾君君！君君見到嗰兩個櫃好開心，即刻幫佢啲玩具搬入去。君君因為好鍾意個櫃，成日開個櫃，好鬼開心！
-
君君餵媽媽
話說最近媽媽成日都jealous君君將爸爸放係第一位，唔要媽媽 今日君君將佢鐘意食既杏仁餅請媽媽食，媽媽當堂開心到呢，好似食緊塊全世界最好食既餅
-
君君豬又病咗
呢兩日，君君又發燒啦！尋晚，佢咳得好辛苦，咳醒咗！我好驚，見到佢個樣好似抖唔到氣咁。好彩，爸爸臨危不亂，照顧到君君。