Category: Andy
-
最後一call
今日係我喺九龍醫院最後嘅一個call。真係好忙！ 君君開始大個，希望可以多D時間見到佢。希望我選擇去UC係正確啦。 君君最近開始講短句，好似good night mama, sit down please, apple is here, 我要擦牙，我要抱抱媽媽開蓋….
-
入赤柱
今日最後一日假，一家人入左赤柱 食左間叫鐘菜既茶樓 君君為左等個包包時，竟然肯係咁同人揮手，又飛吻。不過之後見到條春卷就唔食包，好啦，唯有我食囉，點之佢又即刻搶住食，原來佢係鐘意食，要留返最後食，我同老婆見到都勁爆笑 夜晚發現君君鐘意食洋蔥，實在太似我！ 君君開始講4個字既句子，我要「時時」(key)，兩個字都開始講得幾好
-
除夕倒數
今晚一家三口去左嫲嫲朋友搞既倒數派對 好多人都讚君君勁，冇眼瞓同發脾氣 我仲贏埋L Hotel既lunch buffet，之後仲估到好多個字 之後君君係咁跳舞，好開心
-
第一堂言語治療
今日上咗第一堂嘅言語治療，個治療師話君君都明白你講乜嘢，覺得佢之所以講嘢太慢，係因為比較自我，所以比較難教。 佢用咗幾個活動，嚟到刺激君君講嘢。其實見到君君都有好明顯嘅進步。起碼開始講多少少phrases ，例如我要，我食，妹妹食，哥哥食。今日我返去同佢玩，佢開始講多好多野，學咗唔同食物嘅讀音，包括粟米，薯條，薯片，蕉，橙，菜，brownie, cookie, kitty
-
擔心
終於帶君君去看言語治療師 結果同我地知道一樣，都係有D delay（marginal) 暫時睇落理解能力無問題⋯⋯ 不過我都仲好擔心，開始諗，如果佢真係borderline 點算！咁我應該俾佢讀什麼學校？會不會有同學欺負？ 是不是要去外國讀書？讀國際學校？大個有無能力好好照顧自己？找不找到好老婆？
-
終於返到黎香港
尋日君君喺飛機度瞓咗一半嘅旅程。 佢好乖，無喊過 食咗兩塊曲奇！ 返到香港已經好攰，執埋行李之後， 12點鐘就瞓覺。
-
第20日喺美國
今日我八點起身，執行李，清垃圾！ 覺得我真係好efficient 準時11點鐘離開屋企 跟住喺機場嗰度食咗個漢堡包，就上機啦
-
第19日喺美國
今日九點半左右就起咗身，同平時一樣，君搞到四點鐘先午睡。 爸爸六點幾先返到屋企。好彩Sufiah 買咗facing east, 咁我哋先有多啲時間去target買water wow! 今日我好努力咁樣執晒(90%)行李！ 夜晚君君同埋bella玩左一陣，佢就瞓覺啦。
-
第18日喺美國
今日成差唔多11點先起身 同佢食咗少少野，飲咗奶，跟住爸爸就話返嚟接我地去Microsoft! 我哋去咗禮品部，君君整咗個牌。君君聽我哋講過兩次佢嗰個牌叫做badge,估唔到一個鐘之後，我再問佢果樣嘢乜嘢嚟嘅，佢都答得出喎！ 之後就去同爸爸嘅同事見面。 六點鐘左右，走咗去同Henry 一家食火鍋。估唔到佢哋都有小肥羊！
-
第17日喺美國
今日爸爸又要返工啦！我同君君瞓到10點鐘先至起身。 君君今日食咗好多雪糕批！佢總共食咗一又三份二支雪糕批！佢仲食咗好多熊仔餅，同埋飲咗奶。不過佢就唔肯瞓晏覺！搞到要五點鐘先肯訓。爸爸6點鐘返到黎，我哋等到6點九先至出去teddy買漢堡包食。