Category: Andy
-
第16日喺美國
今日朝頭早，君君食咗琴日買嘅cheesecake 佢之後同bella 出去出面嘅花園玩架自動車 之後我哋就去咗Bellevue downtown park 玩遊樂場 之後我哋再去italiansimo 買三文魚意粉。因為佢哋遲咗俾我哋，所以就送咗個tiramisu! 下午君君就返到屋企瞓覺啦。 夜晚，我哋去咗tropea 嗰度買咗個seafood risotto 。
-
第15日喺美國
今日我哋去bothel 嗰度嘅一間餐廳度high Tea。嗰度好靚，仲有一間房比女仔去換一啲好靚嘅裙，君君好鍾意食嗰度好精緻嘅食物。 我哋食完之後，再去咗target嗰度睇下有冇啲咩野買。之後我哋就返咗屋企啦。 我都準備執嘢，發覺我哋買咗嘅戰利品已經塞滿左一個行李箱。 夜晚，我哋adiamo 嗰度食晚餐。 之後就係cheesecake factory 買個蛋糕食 最近知道君君係學校有兩個朋友。果兩個同學仔都識得同媽媽講話君君係佢嘅朋友。我俾君君睇同學仔嘅相，佢好似認得一個好靚嘅女仔，叫靜靜。過咗兩日之後，我再問佢嗰個女仔嘅名，佢都可以講返出。
-
第14日喺美國
今日我哋一早六點鐘左右就起咗身。我哋今日係去outlet嗰度掃平貨！我最後買咗個Kate spade 背囊，買咗wallet比我家姐係MK嘅。我仲買咗對波鞋。 之後我哋去咗bothel 嗰度一間嘅韓國餐廳度食嘢。 晏晝，我哋返咗屋企瞓咗陣覺。之後我哋就去Costco ,再去Ross 。我哋喺italianssimo 度買咗個意粉，係三文魚意粉嚟嘅。估唔到君君都鍾意食！
-
第11日喺美國
今日同琴日一樣，都係冇乜特別，食一陣野 君君好曳 佢玩水玩食物唔聽話 佢不停喊要見爸爸 佢又講唔到一D自己想法 我好忟！ 於是我一路ignore 佢 佢最後好攰瞓左 我望住個天由天黑到天光又由天光到天黑 好無奈 夜晚都無出街，由爸爸買m記番黎就算
-
第九日喺美國
今日我哋比較早就起咗身，大概9.0鐘，我哋成家就起咗身啦。我哋起源新之後，就去咗Bellevue 我哋原本諗住去食好野，點知嗰間adiamo 冇開門，我哋於是就去咗facing east嗰度 之後我地行Bellevue square, 同DSW 我地試左間拉麵 唔好食 番屋企食m記
-
第八日喺美國
今日我哋10點鐘先至起身。我哋諗住今日係outlet所以走去一間比較北面嘅餐廳叫clay pit! 我哋去咗買玩具比君君，又買咗Godiva 朱古力，買咗個袋俾我阿媽 我哋仲喺星巴克嗰度買咗塊曲奇比君君，君君食得好滋味！我哋就買咗一樽西瓜汁俾佢飲，君君都鍾意飲。 夜晚，我哋去咗找茶嗰度買晚餐!
-
第七日係美國
今日Henry同埋Sufiah 呀同埋Bella都係屋企。君君同bella 玩得好開心！佢搞到兩點鐘左右先肯瞓覺。四點零鐘爸爸就已經準備返屋企啦。五點鐘左右爸爸就返到屋企，我哋就一齊出左去一間叫Izumi 嘅日本餐廳度食晚餐。君食得好多，好開心呀！
-
第六日喺美國
今日10點鐘左右，先叫君君起身。我哋就食咗早餐，即係維他奶，之後就俾咗滷肉飯佢食。佢好鍾意食，唔等我同佢着返件圍裙，佢就自己拎咗個匙羹餵自己食啦！食埋haggen dazz 雪糕批，佢超鍾意食個朱古力皮，冇咁鍾意食雪糕啦。佢好拽，唔肯飲奶瞓覺。媽媽好嬲！我鬧佢，見到佢眼濕濕想我抱，我心都碎了。抱著他，不到一分鐘他就睡了。他真是太累才如此fuzzy吧⋯⋯ 呢幾日，我發覺君君嘅自理能力好咗好多。 佢可以自己着襪，自己着鞋，自己餵自己食嘢！ 夜晚爸爸好耐就返到屋企，我哋出咗去食飯。 我哋食咗一間食羊假好好食嘅餐廳。
-
第五日喺美國
剛剛已經適應咗時差啦！我同爸爸仲未，所以四點鐘，我哋兩個都醒咗。君君瞓到10點先醒。但係我太攰啦，所以只係好簡單咁玩一啲好靜態嘅活動。 今日朝早，君君嘅胃口唔係太好。佢只係食咗一啲熊仔餅，飲咗維他奶同埋鮮奶。 我哋一點半左右，就準備上床瞓覺啦。夜晚六點鐘左右，爸爸就返到屋企。我哋就去咗食teddy’s big burger
-
第四日喺美國
兩點！君醒了！ 於是我帶他去樓下。他的吃了malano, butter biscuit, 1/2 panda biscuit, 1/4pineapple bread, 1/2 vita soy !佢好似肚餓。 之後我又同佢玩sticker book, 完成了一本。再聽YouTube ,玩玩具到七點。他又再睡到十點半。 我又一再給他吃pineapple bread! 之後同佢去窗邊睇車。原來佢都鍾意。佢識講「走咗啦」。之後再飲奶，玩玩具,講故事，我又同佢瞓。 夜晚，佢同啤啤玩到癲晒！佢追住啤啤成日要熊抱佢！