Category: Andy

尋日11點鐘左右大家就訓左，今日四點鐘全家一齊醒晒。 八點鐘，君君又再訓返。11點，我哋叫仔去參加Bella嘅生日會。佢都有主動同人地say hi，但係嗰個咁岩係有自閉症嘅。我哋教咗佢玩釣魚，佢自己都可以釣到幾條魚。我哋仲夠係玩滑板車，佢都可以行到幾步。佢今日試吓唔扶住行落樓梯同埋上樓梯，都可以做到幾步。不過你就好攰啦。大約三點鐘左右，我哋就出咗去買啲日用品，君君就係車度瞓咗一個鐘。返到嚟我哋又再訓多兩個鐘。六點鐘左右，我哋就出去買漢堡包。夜晚，我哋就一齊幫手清潔返緊屋企。真係好攰呢！

今日，君君搭飛機，非常之乖！因為我哋嘅飛機延遲左，又早上變咗做夜晚先上機。我哋喺機場到食咗啲嘢，跟住就上機啦。君君今日晏晝冇瞓過晏覺，一上飛機，食咗塊朱古力曲奇餅，就瞓咗覺啦。成程機11個鐘頭多啲，君君全程都訓晒呀！我同爸爸就慘啦，兩個都係瞓得嗰一兩個鐘頭。一落到機，我哋本來想去租車，點知發現租車嘅地方已經關左門。唯有第日再去啦。君君去到啤啤屋企，佢好開心，好似返自己屋企咁。不停咁樣話去搵玩具玩，又成日叫啤啤同佢玩。

君君終於識得自己着襪啦！ 上個禮拜開始有閱讀週，君君有一本中文書同埋一本英文書。佢都願意同爸爸睇中文書，但係就唔係好鍾意嗰本英文書。點知我哋今日收到老師嘅回覆，佢話君君中文書同埋英文書都肯讀！

今日去洗手間，叫爸爸拎個iPad俾我。爸爸唔睬我掛住拔鬚，君君走出去廳。我叫爸爸睇住君君。點知君君跑番黎，手上多咗個iPad👍，佢拎俾我呀！

之前嗰排屋企嘅無線網絡唔係好穩定，間唔中就會斷下線，搞到有時君君瞓緊晏覺都睇唔到佢，加上接收有啲差，所以想升級。 經過幾日嘅research ，今日就買咗一set三件嘅Google Wi-Fi ，加多個8-port Netgear switch，設定都尚算簡單。 暫時來講，感覺良好。 最後我想重複，升級都只係為咗可以睇到君君瞓覺

今日放學時候，爸爸見到佢拖住個女同學出課室！

今日早上Sheila 同君君著完鞋，佢就開始大叫。我同嫲嫲都唔知乜事。之後佢番入班房，係門口企左一陣，見佢有D想喊，我仲以為佢掛著我地。放學的時候，爸爸話俾我地知君君著錯皮鞋番學！原來佢今日因為咁而唔開心😌

最近爸爸成日同我爭君君！今日夜晚黑，我孭左君君去太古吉之島，佢之後就勒令君君要俾佢孭！

今日我哋同君君去ruby Tuesday 食咗brownies ，同埋炸魚薯條。之後我哋又買咗對Crocs嘅拖鞋比君!走嘅時候，我哋有俾佢坐喺地鐵嘅座位嗰度。君君今日應該非常之開心！