Category: Andy
-
返學日
頭三日我都可以陪住君君返學 但今日開始佢就要自己一個上兩個鐘 送佢入去果陣佢都有回頭望下，我襯佢一冇望住我就閃走左 兩個鐘後去返學校，發現好多bb喊緊，等佢出黎果5分鐘真係好漫長，不過其他家長仲勁，拎定紙巾 終於君君出黎，見佢冇咩表情，我冇攬住佢，用背脊對住佢，但扮見佢唔到，等佢終於見到我咁嗰陣，佢就卡卡笑 老師話，君君今日都係喊下停下，一開始就係咁望住道門，睇吓爸爸喺邊，到食茶點果陣，就好啲，飲咗幾多水
-
第一日正式開學日
今日君君第一日正式上堂。今次只係得一個鐘頭嘅時間。君君都好乖好合作！全程冇喊過！希望聽日都會一樣咁乖啦！ 其實第一日都唔係上堂，以係家長日咁，只係個老師講派下嘢同講下返學要帶d乜
-
三號風球 + Philips Hue
尋晚開始三號風球，君君唔洗返學 買左對Philips Hue裝左係廳，君君超級好奇，係咁望住
-
家長日
今日係君君學校嘅家長日。我同爸爸11點半就去到學校聽校長同埋老師講呢一間學校嘅嘢。我哋覺得原來呢間學校比想像之中嚴謹，學嘅嘢亦都比我想像之中多。其實我都有啲擔心，如果君君跟唔到嘅話，佢會唔會唔開心呢？其他家長，都似乎對自己嘅小朋友都幾有要求。可能呢個香港嘅教育氣氛係真係好瘋狂。
-
今日係君君開學嘅日子
今日我同爸爸，she she同埋君君一齊返學！朝頭早八點鐘就起咗身，好快就俾咗早餐佢食，然之後我哋8:25就一齊出發去學校啦。15分鐘嘅車程就到到學校啦。君君都好乖咁樣排隊。佢都係以微笑嚟到對待佢嘅新同學仔。我就只係送到佢去門口，等到君君入咗課室，我就即刻搭地鐵返工啦。聽返she she講，君君都好乖，冇喊過，仲識得同其他嘅姐姐的微笑。我睇君君都應該會好快適應到校園嘅生活嘅！
-
唔夠瞓
依排成日都要用好多時間去陪君君瞓 一係抱佢勁耐先肯瞓，一係瞓瞓下喊醒左 搞到我依排成日都唔夠瞓，有d攰
-
砌圖
君君對puzzl特別有天份。係美國買咗2，4，6，8塊puzzle,君君用三星期，自己識砌哂，我地買另一副，兩日就砌到八塊！
-
係留返係HA
經過一連串嘅思考之後，雖然出面都俾咗一個算係唔錯嘅Offer比我，其實都唔係好過HA好多，但係又要面對着轉變，做一啲自己唔熟手嘅嘢，同埋工作時間長咗。假期都係一樣好重要嘅因素，因為我好想可以同君君得閑去吓旅行。我唔想為咗賺錢，而冇咗生活。我都係撻皮HA啦！
-
第22日在美國
尋晚珊珊咬到舌頭，流血。幸好沒事。 收拾行李，兩個luggage就ok。 夜晚睡不著⋯⋯不知道工作多不多？ 九點多起身，收拾最後一堆衣服。老公還要工作，君君又哭。很忙。老公買了Italianssismo. 但我沒心情吃。 四點機 起飛時聽廣播：我地有講道理既普通話既服務人員….. 原來係講「到」「流」「利」既普通話既服務人員… 機上君君睡了。
-
第21日在美國
今日君君10:45嘅時候喺走廊嗰度大叫爸爸！搞到我都俾佢叫醒左！我聽到爸爸兩聲之後我就即刻走落床，發現佢已經跑來樓梯口嗰度啦！其實佢幾時起身，我真係唔係好知道。所以聽日呢，都係要小心啲。而家君君上落樓梯非常之自如架啦。佢已經唔需要我拖住佢。佢可以自己扶住個牆上上落落，甚至乎拎埋啲波啊上去。 我同佢落樓梯，佢第一時間又係走去雪櫃要食雪條。之後佢都唔肯食我哋琴日買嘅包，一定要食前日食剩嘅飯！仲要一邊睇以前嘅影片，一邊食飯加埋星星餅！晚上同Sufiah 佢地去東來順。君君同啤啤一齊坐Sufiah 車，佢地玩得好開心。君君食咗滷肉飯。回程又係同啤啤同車，君君睇黎好識交朋友呢！