Category: Carol
-
writing
還有好多東西想寫, 但很想做點自己的事, 珍惜exchange的日子。
-
情人節快樂
今日係屋企真係冇野好做 起身都成一點鐘 整下部fileserver 話說Sam部機apache個auto_index(即係冇index.html出果個Index of)係charset=utf-8 而我就搞極都唔得囉，出黎出去都係ISO8859-1 尋晚收到Carol寄黎既禮物 今日過左12點就折啦… 有T-Shirt，朱古力，名信片同埋卡一張 多謝多謝 因為你遲遲都未俾個list Vincy 所以未收到野囉，就黎收到嫁啦 因此，到現時為止，情人節禮物就只係得”一個機會” P.S. 今日收到花一束 其實係1pm起身果時已經見到束花係度，冇卡 夜晚全家都番晒黎之後發現冇人認頭 估係送錯…
-
busy => tired
然, 見到你個diary, 我好唔開心, 今日真的好想在你身邊, 但無奈我有好多事情未做完, 要計劃旅行,原來好多野要煩, 搞左一天還未有頭緒, 仲要得我同dorothy 去plan. 咁大個女, 第一次計劃旅行, 什麼都不懂, 覺得好無助. 今日回到kathrine kollegiet , 己是12點, 返黎途中, 好靜,得我一個人, 有點恐怖。 返黎後己很累, 但仍要繼續找air ticket and hostel 的資料, 因為dorothy 好想快點找到資料。 同時subrina 又不停msn 我, 其實我真的很累,很想睡。 下過我要打埋diary, 所以三點鐘開始打, 點知突然上唔到網, 結果我在睡前打唔到電話俾你, 又post 唔到diary, 知道你明早起身一定感到奇怪, 那時候真的很擔心, 結果睡覺時也心掛掛。 我決定不關電腦, 等我明早可以儘快找你。 你的女朋友上
-
魔法
今日成日都好頹… 由起身，發覺你冇打過黎 上網睇唔到有diary 之後就開始頹 仲要竟然打左5次IDD都打唔到俾你 唔開心之際，你為左我而好早咁起左身打黎 一聽到你把聲，唔知點解成個人心情好左好多 你好似識魔法咁呀 約左Susan食飯 其實好想食太古果間稻穗亭食 不過OK貴，同原來要訂台 即係冇得食囉 最後去左西灣河間羽壽司 每人$100，好明顯食咁少我係唔會飽 所以醒目地出黎前叫工人煮左個餐肉公仔面
-
Janice食tea + 中同睇L
倒完耳模後，去搵Janice食tea 由times square行番去Sogo，隻右腳菠蘿蓋俾野鏗左下 痛到叫唔到出黎 回頭一望，係一隻不秀鋼既煮野食兜 痛到媽媽聲 係翡翠明珠間茶軒食 因為我同佢都未食lunch，加上佢仲有lunch set食 傾下計咁，講下佢D野… 我約左Vincy食晚飯，佢都要番屋企食 就走之際，佢M痛 咪叫佢媽帶定D止痛虊俾佢 點知佢越黎越痛 當然係痛到就暈果隻 搭的送佢番屋企 同佢媽一齊安頓好佢，傾左陣計我就落番銅鑼灣 8點去到，Vincy叫我買左戲票先 佢地話買左H同I果兩行 我去到，條尤話得番頭兩行 心諗大鑊，一睇，明明有個I位 原來I係第二行囉！ 之後我D時間半天吊，事關佢地食緊任食打邊爐 果陣8:15，佢地9:15走… 理論上我一個鐘實食得飽，但你知任食既話，D上食物係幾咁慢 上到去，個呀姐竟然話可以只坐而唔收我錢，真好 買左個吉野家入戲院食 齣L個人覺得就真係麻麻… 唔跟完本個故仔，甚至同上兩集冇關係 冇左上兩集講L同夜神月兩個人鬥智既元素 番到屋企 雖然好倦，但都好enjoy傾電話果個感覺 其實同你傾果陣真係好舒服 可以好放心，乜都唔洗諗咁傾 同埋你既傻笑…muahaha…實在好得恴
-
去霖屋企拜年
去霖屋企拜年，買左D燕窩上去 auntie好開心咁 整左好多野俾我食呀 有粥，年糕，蘿蔔糕，馬蹄糕，仲有餃同雲吞… 食到抱住左個”肚腩仔”… 正當食到死既時候，仲有大糧生果 Vincy都食到頂唔順，而auntie卻講左句 “生果幫助消化呀” 咁我當然將句野對住Vincy repeat番一次叫佢幫手食埋佢 點知Vincy”竟然”識增番我一句 “Anthony最鐘意食火龍果”(果陣台面仲有半個火龍果食唔晒) 俾Vincy叻番次 而我一路食，一路發揮我天生講唔停口既能力 係咁講野，而auntie都好鐘意聽咁 唔好意思留係度食晚飯 所以番左屋企食 臨走時，auntie叫我拎盒餅走 我只好話”新年唔洗交換禮物，下次聖誕先啦” 又係爛gag一個，笑一餐 番到屋企，因為飽得濟，所以晚飯只係陪坐 9pm開始作病，訓到11pm 之後裝番個ubuntu…同傾左陣電話 2pm訓…
-
拜年 + 部P3機 + 表姐 + 心結
一早8am就起左身 見冇人醒，就9am先醒… 食糕，3年冇食過，終於有得食 之後同媽咪去契媽度逗利是同拜 下晝伯爺佢地黎左… 開左個CoD4俾兩個表哥玩… 我就玩佢地部PSP 夜晚食完飯同人video conference “你要锡我表妹多一点啊，我系她细表姐。嘻稀” 裝隻250G落部拎番黎既P3度，只係認到80G 唯有用番自己原本果部spare機 夜晚，有個心結似的 唔開心，唔想訓
-
多部P3機 + 傾電話
話說因為屋企多左部P3 800，所以想整部file server 但係首要條件係唔想點花錢 部機係ATX黎，而且個機箱又好爛，所以想搞搞佢 咁岩Miranda公司又有部我可以拎走 去到佢公司，竟然係D超薄既機黎… 番到屋企一開，果然同預計既一樣 D位好FIT，想放多隻HDD都唔得 諗緊用邊部好 前果幾日我其實唔多開心 咁岩今日Carol唔洗番學 夜晚就係度傾電話 傾到我6am先訓 雖然係倦，但係傾多好多野，對大家既了解都多左好多
-
霖霖的心事
佢原本話下晝會番一番黎 點知等黎等去都等唔到 我打左陣機 打完見到佢個msg話佢今日唔多舒服 話其實好想搵我，不過好唔開心，心好痛，又喊左陣，想一個人凍靜下 睇到之後，嚇鬼死我 打佢電腦又搵佢唔到(應該出左街) 急起上黎打IDD俾佢 終於搵到佢啦！ 講左16分鐘，傻豬終於識得笑番 (我發覺我氹人好鐘意講D野黎取笑自己黎引人笑) 傻豬，記住啦 下次有事唔可收收埋埋自己一個承擔晒 咁樣我會擔心嫁，同埋調番轉，你都唔想我咁嫁 記住wor，我張卡已經寫左，話你有事我會係你身邊嫁碼 你個心有事，留番我去醫… 我個心，諗都唔好諗你想唔醫番好我
-
Mojo食飯 + Johnson食飯 + 撞到Alice + 買野
係美國Yr2果陣打機識到班人… 其中一個叫Mojo，一個畫史力加既勁人 佢番左黎HK IMAGI做 今日上左佢個studio，有成4-5層 嘩，第一次上人D studio，參觀左一陣 (因為Mojo好大粒，所以可以隨便帶我週圍睇) 飲完茶之後我就番屋企啦 下晝打左陣CoD4 夜晚約左Johnson出黎食飯 事關佢有D program既野想問我 約左8:30pm係太古Spaghetti House 我早左少少到，去買左少少新年送既野 期間同Susan傾緊電話… 點知行行下竟然有人叫”何欣然” 一望，原來係小飯(即Susan個妹)，又會咁岩既 同Johnson食完傾野，11:30pm都唔趕我地走，真係怪 番到屋企成晚都唔多舒服 頭痛，胃唔舒服，又凍，又失眠 慘 令到Carol擔心我，有D唔好意思