Category: Cindy

今日老公七點醒，我叫佢早D番工，我就等君君醒 點知佢今早點都唔醒，瞓到一點 晚上七點，爸爸回來，君君食咗菠蘿包。我地外賣泰國野。

今日我地又去美國。七點幾叫醒君君，佢知要搭飛機，所以冇扭計，好乖好興奮出門口。 搭飛機，只瞓了四個小時左右，不過其他時間都好乖。成日問啤啤喺邊。 去Jody 屋企住，要適應下，冇bella果度咁方便。 我地沖洗後出去買麗晶，之後supermarket 買嘢食。瞓左四個小時。六點，同Jody 去costco 買左個櫃同風筒。番屋抖下。

君君今晚食完飯之後，就開咗包百力枝自己食。 食到一半，就請一條俾爸爸食，不過爸爸仲食緊飯，就同君君講：「你留返最後一條比我食啦，我食完飯之後會食」 過咗一陣，君君就請媽媽食咗一條，媽媽就十分開心。 君君一路睇電視，好快就全部食晒。我就問君君：「我嗰條百力枝呢？」 君君無言以對，唔知點好，諗左一陣，就同我講：「開包新俾你食啦！」一定係媽媽教到君君咁奸！

尋日，君君唔肯飲奶，我叫佢快啲飲，佢就同我講，佢想嘔。我叫爸爸入房，佢即刻生猛哂，笑著話要玩玩具。我問佢係咪真係想嘔，佢笑一笑話：君君曳曳。 之後我同爸爸意見不同，喺度拗既時候又話想嘔。好啦，入到房，果頭黐住爸爸話想嘔，見到張床背著爸爸又係笑一笑，跳上張床。 今日朝早，我同佢早過爸爸起床，我帶佢出㕔。我問佢到底係咪真唔舒服。問咗兩次，佢都話佢無事，唔係想嘔。我正要帶佢入房，話要同爸爸講番，佢就用手勢shu 我…… 話時話，君君自己可以砌到16塊既puzzle, with little help, 20 pieces!

今日晏晝同Ceci食飯，食完飯之後，我哋就去山頂。喺山頂嗰度，有得免費俾人影相。我哋揀咗張好得意嘅相，係爸爸拉纜車，拖我哋既纜車上山。＄178。之後，我就話想坐纜車落山。我哋等左半個鐘！我問君君：君君，你係咪仲想等啊？君君堅定咁話係。咁於是我哋就終於等到有纜車啦！入到纜車，君君好興奮呀！雖然個路程好短，都知道君君好開心。要離開車嘅時候，君君仲想坐多次。

今日落大雨，我好遲先返屋企。Sheila 話君君望住個窗，話媽媽冇umbrella。佢好似好擔心我呢！

話說前日Doris 同我講，可以排另一個發展商代理嘅隊，可以容易啲揀到樓。係我問完一輪之下，知道原來可以排兩到嘅隊。我同爸爸即刻入票。仲有8分鐘就冇得入票，好彩最後都入到。尋日，終於攪珠啦，我係50號。尋晚都有啲緊張，覺得其實都有啲機會買到嘅。我同爸爸成晚喺度左度右，睇吓邊一個單位比較好，最後排左個list。今日朝頭早，我即刻請急假，同爸爸八點鐘就走去荃灣。我哋九點半開始就可以排隊揀樓。到最後，排到我哋嘅時候，有18C同埋17呢兩個單位可以我哋揀。我同爸爸傾左一陣，最後揀咗17B。成件事好夢幻咁樣完成左啦。我就負債1,700,000,000啦。

最近北角繼園街有個新樓盤，我好鍾意㗎 ，有個代理搵左我成個月，同我講咗呢個樓盤都一段時間，俾咗好多資料我。琴日我哋就第一次去睇示範單位啊，原來我哋都可能買得三房單位。三房單位20,000,000左右，令我都幾心動。同爸爸爭拗一段時間,最主要係,佢唔鍾意代理嘅老細太過進取,覺得無晒私人空間。爸爸就同我拂袖而去。返到屋企,我哋都傾左一陣，就好深入嘅討論一下大家嘅處事方法,價值觀。我同嫲嫲都講咗,佢都覺得好似幾好咁,今日再去睇一次。點知佢睇示範單位附近見Laly，結果我哋問咗佢，可以回佣架！爸爸就話啦，咪係囉，如果我哋遲少少入票，就可以爭取到多啲嘅回佣！今日喺入票嘅時候，君君錫左我好多次！都幾特別。希望我哋會好好彩，係頭嗰一對號碼！

話說抱住君君放學返屋企，行到港運城商場嗰時，老婆仔打電話黎。嗰陣我部電話教咗做震機，明明冇響，但係君君就即刻同我講”電話電話”。 佢竟然知道我褲袋震即係有電話入，真係勁！

要oncall一星期 好忙呀，個電話成日響 好在結婚週年都可以去JW Marriott食個自助餐。雖然有d貴，但都好多嘢食。最緊要老婆食得開心