Category: Cindy

今日君君無端端自己喺度講，我鍾意爸爸多啲。我望一望佢，佢就加多句，我鍾意媽媽多啲。我有啲開心嘅時候，佢又講，我鍾意君君多啲。原來君君嘅嘢都唔係咁可信嘅。

話說最近媽媽成日都jealous君君將爸爸放係第一位，唔要媽媽 今日君君將佢鐘意食既杏仁餅請媽媽食，媽媽當堂開心到呢，好似食緊塊全世界最好食既餅

呢兩日，君君又發燒啦！尋晚，佢咳得好辛苦，咳醒咗！我好驚，見到佢個樣好似抖唔到氣咁。好彩，爸爸臨危不亂，照顧到君君。

今日33歲生日，老婆仔訂咗枱，喺城市花園酒店間粵嘅中菜食晚飯。嗰間餐廳嘅嘢食都幾好食，我哋叫咗東坡肉，頭抽煎龍躉，同埋和牛炒河。買單嘅時候，先發現原來有八五折，所以六百幾就買到單啦。今年生日，我冇送野比老婆，老婆都冇送野比我。不過君君就同媽咪都有唱生日歌俾我嘅。

最開始係媽媽感冒，爸爸就肚餓，之後媽媽就高燒，爸爸就有少少燒。媽媽很擔心自己係流感B ,所以夜晚就沖左去瑪麗醫院睇醫生 媽媽做咗個鼻液測試，跟住爸爸就問媽媽痛唔痛㗎，媽媽就話好似撩鼻屎咁，爸爸即刻鬆口氣。不過後來爸爸入咗間房之後，個化驗員同爸爸講解個療程，就發現同媽媽之前講嘅完全唔同，抽取樣本之後，爸爸覺得係完全被人欺騙！ 之後嗰日君君都開始發燒，媽媽好緊張咁樣，朝頭早帶咗君君去聖保祿醫院。聖保祿醫院話如果唔做鼻液測試，就唔會開藥。於是爸爸媽媽就等到晏晝返去聯合醫院嗰度睇報告啦。結果發現，媽媽真係有乙型流感，爸爸就唔驗到。於是我哋又再帶君君去聖保祿醫院，嗰時君君都有38度架。點知去到聖保祿醫院，冇燒。仲要等三個半鐘，於是我哋又返咗屋企。等到夜晚，覺得君君好似好辛苦，同埋開始高燒，去到39度幾。帶咗佢去瑪麗醫院攞藥食，返屋企食咗兩次都嘔返出嚟，咁我哋唯有等佢食咗就瞓，點知夜晚越嚟越高燒去到40.7度。我哋即刻沖左去東區醫院，等左5分鐘都冇就見到醫生，好快就上咗兒科病房。 兒科醫生睇咗君君嘅病情，原本都話要住一晚醫院大概聽日就走得，不過知道媽媽都係醫生之後，就話不如返屋企home leave瞓一晚，聽日再返過嚟 夜晚，爸爸同媽媽輪流幫君君用濕毛巾降溫，爸爸又冇乜點瞓過，睇住君君同媽媽。媽媽好擔心，因為見着君君嘅燒一直退唔到，一直都維持40度左右。有陣時就去到40度九！ 第二日返到醫院，病情都差不多，我哋選擇咗出院，夜晚君君終於都退燒啦！ 當知道君君好返之後，爸爸今日adrenaline終於下降，開始攰同發燒 新年四日假，差唔多不停咁進出醫院，雖然係好攰，但係的確係一個好難忘嘅經驗。我哋一家三口好一齊闖過難關，yeah！

今日我哋又再去海洋公園，又鸁多隻peppa pig!!爸爸俾人封做攤位遊戲之神!因為佢玩攤位遊戲嘅掟波波遊戲之中，幾乎百發百中, 仲幫另外三個女仔贏到公仔！

今日最後一日假，一家人入左赤柱 食左間叫鐘菜既茶樓 君君為左等個包包時，竟然肯係咁同人揮手，又飛吻。不過之後見到條春卷就唔食包，好啦，唯有我食囉，點之佢又即刻搶住食，原來佢係鐘意食，要留返最後食，我同老婆見到都勁爆笑 夜晚發現君君鐘意食洋蔥，實在太似我！ 君君開始講4個字既句子，我要「時時」(key)，兩個字都開始講得幾好

今晚一家三口去左嫲嫲朋友搞既倒數派對 好多人都讚君君勁，冇眼瞓同發脾氣 我仲贏埋L Hotel既lunch buffet，之後仲估到好多個字 之後君君係咁跳舞，好開心