Category: Cindy
-
買眼鏡
老婆仔最近想買眼鏡，已經睇左幾間 一係款唔岩，一係價錢唔岩 最後，俾我係88揀左副飛甩雞毛俾老婆仔，連鏡片都係3500 係有少少貴，不過最緊要老婆鐘意，同會愛我多幾日 P.S. 當我叫個職員攞副飛甩雞毛出黎試下果陣，婆仔係咁爆笑
-
係留返係HA
經過一連串嘅思考之後，雖然出面都俾咗一個算係唔錯嘅Offer比我，其實都唔係好過HA好多，但係又要面對着轉變，做一啲自己唔熟手嘅嘢，同埋工作時間長咗。假期都係一樣好重要嘅因素，因為我好想可以同君君得閑去吓旅行。我唔想為咗賺錢，而冇咗生活。我都係撻皮HA啦！
-
我要轉工
自從美國返嚟之後，發覺九龍醫院走咗三個醫生。之後又發現佢哋啲高層非常之衰又刻薄，成日都卸膊唔做嘢，比晒啲嘢俾下屬做。我又知道九月趙醫生又要離職啦，到時候我哋要同GAA一齊做嘢。跟住未來嗰幾個月，有三個人大左肚，我又有可能有三個call啊⋯⋯一連串嘅消息，令我覺得我其實都要諗下將來係咪要繼續留喺呢一度做嘢。諗諗下，都係想試吓做下其他嘅嘢，去外面嘅世界發展下。前幾日，打咗封求職信，好快營建嘅老細就搵咗我。今日我哋仲見咗面。佢比我想像之中健談同埋年青得多。佢比我嘅Offer都唔係太差。雖然一個星期裏面有三日要七點半先放到工，但係未來的日子，如果我做得好嘅話，都可以朝九晚六。
-
第22日在美國
尋晚珊珊咬到舌頭，流血。幸好沒事。 收拾行李，兩個luggage就ok。 夜晚睡不著⋯⋯不知道工作多不多？ 九點多起身，收拾最後一堆衣服。老公還要工作，君君又哭。很忙。老公買了Italianssismo. 但我沒心情吃。 四點機 起飛時聽廣播：我地有講道理既普通話既服務人員….. 原來係講「到」「流」「利」既普通話既服務人員… 機上君君睡了。
-
第21日在美國
今日君君10:45嘅時候喺走廊嗰度大叫爸爸！搞到我都俾佢叫醒左！我聽到爸爸兩聲之後我就即刻走落床，發現佢已經跑來樓梯口嗰度啦！其實佢幾時起身，我真係唔係好知道。所以聽日呢，都係要小心啲。而家君君上落樓梯非常之自如架啦。佢已經唔需要我拖住佢。佢可以自己扶住個牆上上落落，甚至乎拎埋啲波啊上去。 我同佢落樓梯，佢第一時間又係走去雪櫃要食雪條。之後佢都唔肯食我哋琴日買嘅包，一定要食前日食剩嘅飯！仲要一邊睇以前嘅影片，一邊食飯加埋星星餅！晚上同Sufiah 佢地去東來順。君君同啤啤一齊坐Sufiah 車，佢地玩得好開心。君君食咗滷肉飯。回程又係同啤啤同車，君君睇黎好識交朋友呢！
-
第20日在美國
今日我又睇微微一劇！我終於又可以做電視精！ 君君最近成日叫我俾雪糕佢… 晚上食Hana sushi
-
第19日在美國
今日君君11點鐘先起身啦！我同君君食咗一啲麥樂雞，飲咗啲奶，食咗一條雪條，一堆星星餅！之後就飲咗大半包維他奶。我哋一齊睇咗SKT對Ever 8.之後，我哋就一齊睇埋果套缁微微一笑很傾情。原來君君都鍾意睇微微一笑很傾情架！跟住我哋又玩左一陣，四點鐘就開始瞓晏覺啦。夜晚黑，我哋就再食多次thai Irene！今次叫咗海鮮，4級辣pad Thai 同炒飯！ 我同bella講，我地要去香港, bella話君君要留低。唔知佢地分開既時候會點呢？
-
第17日在美國
今日我哋好晏先起身，之後就去咗Costco。我哋係Costco冇買到咩嘢。之後我哋係就去咗outback就食牛扒。我同爸爸都食咗12安士嘅rib eye ! 晚黑，我哋去咗tropea!
-
第15日在美國
今日君君11點鐘先起身。佢今日食咗好多野啊！食咗兩塊多士，要焗過嘅同埋要飛邊。跟住仲食咗一條Haagen-Dazs雪糕，一包豆漿，兩件麥樂雞， 80ml milk! 我同佢玩左好耐，因為佢淨係瞓咗一個鐘頭嘅晏晝覺！ 晚黑我哋去咗食泰國菜，買咗麥當勞俾君君。
-
第12日在美國
今日君君好早就起咗身啦！佢九點半左右就起咗身。之後我哋就玩左陣， 10點鐘左右佢就話要食包包。咁我就俾咗菠蘿包佢食。佢仲飲咗啲奶，食咗吃雪糕批，飲咗啲維他奶。之後有啲扭計，我就俾咗啲星星餅俾佢食，同埋一齊睇lol！ 2:00左右就好眼瞓，一直瞓覺瞓到佢五點鐘。最近呢兩日，我病多咗，多咗啲咳！有啲眼瞓。希望我快啲好返啦！ 夜晚黑，爸爸返到嚟屋企，我哋就去返hana sushi食晚餐。君君好鍾意嗰度嘅炸蝦！