Category: Cindy
-
生日
今日我生日呀！老婆仔等左依一日好耐嫁啦，因為我又老過佢囉 我之前送左隻貴既Logitech G900 mouse俾我，打機即刻連win幾鋪 之前公司有internal marketing campaign，我win左兩張迪士尼卷，就今日去 君君一起身食左fruit dessert同埋個粥就行…點知臨到之前嘔返晒係我個身度… 🙁 君君有套衫可以俾佢換，但我就冇囉 去到即刻買衫，但完來成個樂園都冇成人褲賣 一開始因為熱，所以都係玩D室內嘢，有冷氣 食晏時候，君君俾我地錄低左佢揀飲擇食系列，好得意 之後君君好乖咁訓左陣，我地就食晚食 佢5:30pm起身，就涼返好多，君君都生猛晒 夜晚睇完巡遊就走lu，冇睇煙花
-
唔開心
最近成日都唔開心，好多事唔如意。我都知道好多野整定。有時又期望太多。太多比較。太多擔心。但又無人能夠開解我。 ——— 唔緊要，有老公仔係度，買好多嘢俾你
-
早日康復
老婆仔，你咳左好耐啦 要快d好返呀 擔心死我啦！
-
情人節
今年我們送咗一盒砌圖俾君君 老公同君君送咗一盒星星餅俾我 之後原來仲有個正價髮夾 我係午餐時間去新世紀廣場買咗個擺設，好得意架，象徵着我會為公仔成日provide psychiatric services 我仲寫咗張卡比佢，放工嘅時候又去咗jurlique買咗支body lotion俾佢
-
買衫
最緊婆仔買左好多衫 Sogo 21/F買左3件bread n butter 之後再落去門市買多件 過一兩日去埋尖沙咀Baazar既Joyce特賣場買多3件 前後7件衫，超開心 不過君君跌親，擦損左嘴唇，仲流埋血，心痛死
-
行花市
今晚同君君去行花市，不過太多人，唔可以俾佢行。另外佢應該俾人遮住左，睇唔到，所以不太老泥 之後去到皇室堡佢終於有得行，成個人開心返晒
-
行街街
呢排我哋成日同君君行維園，君君終於可以行晒成個維園啦！ 而家君君行得越嚟越好，已經唔會點跌親，仲有次會好似跑咁快步行 今日同君君去維園行嗰陣，第一次俾佢玩千秋，睇頭嗰15秒都有啲驚嘅，不過好快就好enjoy啊，我個仔真係一個樂天嘅細路 夜晚出咗街去攞錢，全程都係比君君自己行。返屋企嘅時候，佢自己行出搭lift，佢仲識搵啱路返到我哋屋企門口啊，我同媽媽都好surprise
-
睇燈飾
今晚我地一家三口出左去尖沙咀睇燈飾 有張相君君情深xx咁望住爸爸 實在太得意
-
聖誕節
今年聖誕節老婆提前買左件靚靚既Hugo Boss俾我，開心死我 我地送左個海馬mattress俾君君 Grandma買左件Armani jacket俾君君 婆婆送左塊玉俾君君 Tiger and Froggy送左個籃球架俾君君 但我仲未諗到送咩俾婆仔，今次大鑊啦
-
MSHK Christmas Party
抽仲左$1000 Sogo coupon 應該會全數送俾老婆 老婆都好好，買左件Hugo Boss俾我 P.S. 君君食意粉