Category: Cindy
-
爸爸學君君
話説有日出街食飯，君君開始攰，就趴左係我度，發出吖吖聲，兩三秒後就拮起個頭 重覆左幾次 之後我就係君君每次做既時候扮返佢 佢見到我同佢玩，心情就好左，之後仲笑埋出聲 爸爸成功將君君發脾氣既動作，變成一個玩既動作
-
君君自己企
最近君君可以自己企到幾秒 不過依個仔都係好少心既，冇十足把握都唔會做 所以我地估佢都未必肯行太多，但一發覺自己行到就會周圍行 P.S. 今日同上個月21號都上左山頂買衫，間鋪都就搬lu，之後未必會再去啦
-
用飲管
今日君君見到媽媽飲豆奶，就想飲 媽媽俾佢玩下，點知佢用左15秒左右就識飲 之後就係咁飲水 君君，你病左兩日啦，爸爸媽媽都好擔心你，你要快D好返呀
-
忙
呢排好忙，因為有兩個AC位，我要自己寫reference letter俾自己。最後都係老公幫我！ 好多人都報，Ck Cheung都同我爭同一個位。我覺得我interview skill比較差，所以無乜信心，不過試下無壞！ 就黎生日，老公買了我一個髮夾。我買件衫比老公，一架泥頭車比君君。架車佢自己揀架！
-
Play group
今日Aaron同Sibyl黎左我地度，一齊慶祝生日 一齊玩玩具，特別鐘意我地隻狗
-
買髮圈
今日老公帶我去山頂，其實佢知我最近做嘢有啲忙，所以特登想同我買啲嘢開心吓。老公到最後帶咗我係IFC買咗個髮圈。
-
前途
最近知道KH可能有兩個AC位，不過一個一定係俾KLi，一個我可能會得，就係Doris個Post⋯⋯ 我知道如果呢個報唔到，就有排先升，因為呢個位特別請女醫生。 但係仲有Michelle, Carolyn 都會報，加上外面既人都報得… 如果升到點都好過留係呢Team，下年Dr Chiu走，都唔知Roger會點攪我地Team，有可能merge番去GAA，佢地D人又A字膊，實唔好做。
-
開始習慣
對住君君多咗，開始習慣，無咁驚。 今日瞓到就黎十一點，之後聽到君君叫，我望著佢，原來佢醒咗。立刻去pump milk。之後我同佢落樓玩，聽歌，然後我食晏，見佢有D唔老黎，比banana purée and apple juice 佢，佢食左好多！ 之後我抱瞓佢再食，190ml 今日發現佢肚腩大左！ 佢瞓咗一個鐘咋，但我洗咗野，掃地同收拾東西。仲有洗面，mask! 之後我又再pump milk。 又再比banana purée and apple juice佢。之後又再餵奶200ml 見爸爸就番！好耶！
-
辛勞的一天
今日君君八點多就起床，然後就不停叫。 跟他玩了一整天，餵三次奶，晚上爸爸還有工作，真的累。星期六一定要買些東西獎自己！
-
婆仔又當值
今日爸爸番工，又得我一個照顧君君 君君九點多就起床 我同佢玩左陣佢就唔開心，我十一點左右食晏，之後就試餵奶，不過飲左二十就唔飲！之後我又俾蘋果汁同蕉蓉佢，食左三分一盒，但應該仲肚餓，所以又叫。我只有打電話俾爸爸，果然佢見到爸爸乖乖，仲成日摸住電話入面爸爸的面！ 無幾奈，我先餵佢食埋190ml 佢瞓覺，我就pump milk同做家務 等爸爸番！