Category: Cindy
-
Hernia
Today we found bb has unbilical hernia Doctor said he also has bilateral hydrocele Risk of inguinal hernia as well 🙁 3.45 kg
-
細佬蝦媽媽
頭先我為細佬飲奶 飲到一半同佢掃風 佢嘔左少少奶出嚟 咁同佢收掃耐啲，佢就捵嚟捵去，唔肯坐又唔肯瞓 又喺度叫 唯有叫爸爸出嚟 爸爸一出到嚟，佢就乖乖地瞓喺佢隻手度，抹大個口。爸爸隊支奶俾佢， 2分鐘飲晒50ml 
-
大佬近期最愛
-
細佬
呢個細佬好鍾意嘈 太多尿會嘈，有popo pat pat唔舒服會嘈，太凍會嘈，肚餓會嘈，冇安全感會嘈 換尿片嘅時候要超級小心，因為佢好鍾意一開了片就poopoo或者wee wee 平時得閒都會玩吓手指，試過食手指同finger cross 都幾鍾意笑 大佬Kwan其實都幾錫細佬君 會幫手換尿片，餵奶嘅時候幫手攞紗巾 沖涼嘅時候幫佢落人奶 有時仲見佢偷偷錫細佬個頭 細佬喊嘅時候佢會摸佢頭叫佢唔好喊 大佬Kwan既然咁乖，我哋最近就係咁買玩具俾佢 有兒童版嘅大富翁啦，飛行棋，一大堆嘅Lego，仲有買咗堆屁屁偵探⋯⋯爸爸就好努力咁樣同佢讀書寫字 
-
Sibling rivalry
今日君君投訴我地浄係照顧細佬 我地同佢下午去街，爸爸去買野，剩低我照顧君君 君君走嚟走去 我話再走會走失 佢話：唔見咗我，你地再生多個君君lor 係咪passive aggressive ??
-
Little laughing anson
今日細佬同爸爸笑到出聲 晏晝爸爸氹到佢瞓 一放佢落床，就即刻喊啦 我抱都唔得，要爸爸抱返 即刻報以微笑 佢同大哥一樣，都鍾意抽油煙機聲
-
去mchc
今日帶細佬去mchc 個醫生話佢有heart murmur 超膽心 帶佢見陳家馴，佢話乜都聽唔到…. 唯有下次覆診再睇下 2.585 kg
-
細佬君連脾氣都同君君一樣
今日君君喺度食手指 同佢換完有poo poo嘅尿片 點知佢整醒咗 佢勁唔魯麗 喺度爆喊 抱佢都唔得 唯有同佢聽抽油煙機 即刻開心晒⋯⋯
-
君君好古惑
話說文姨姨用剪刀剪一塊棉 君君大叫唔好，要衝去文姨姨到 我同爸爸覺得佢哋好無禮貌，立即制止佢 爸爸想鬧佢 我哋想試吓同佢講道理 我問佢：你仲乜唔想文姨姨剪？ 佢面不改容：我驚文姨姨剪到手。 立即鬧唔到佢
-
細佬豬頭24小時
返到屋企，食奶非常之飄忽。有時食得好快，有時食得好慢。 大佬Kwan係一個幾好嘅幫手。今日佢識得30減11！ 我同佢講，要儲$30就可以買到rogi 佢而家剩係得$11 之後佢自己就喺度計：自己仲爭$19 真係叻叻豬