Category: Cindy
-
君君乖
君君困在家中已有兩個月。每日做功課，讀書，網上上課，玩Lego, 乖可以玩switch。佢從來都冇扭計要出街，反而叫我地唔好出，因為有virus, 唔想我哋病。
-
Wuhan Coronavirus
因為武漢肺炎，我們一家人自從新年就沒有出門，去覆診除外。 很悶，每天我都在等日子過，希望細佬可以留在肚內到三十四週，希望可以在私家醫院生。更希望佢可以留到三十七週…. 二月頭同左老闆講，想申請無薪假到生，好彩佢都應承咗。可以專心安胎。
-
爸爸送咗情人節禮物比我
佢送咗一部新嘅Microsoft laptop 俾我 好靚架，仲好快添。 今日同君君玩Mario party 佢同爸爸一隊，一個負責左面嘅鎚，另一個負責右面嘅鎚。我就喺鎚下面嘅平衡木嗰度行。我要喺平衡木上面行但係又要避開佢哋個鎚揼落嚟。爸爸揼左幾次，我好彩避得開。佢話爸爸唔好揼媽咪。然後，佢同我講：「媽媽你行左邊啊，我負責左邊唔會揼你。」 我仲好感動。點知我一行去咗邊，佢鎚就揼落嚟….佢仲笑得好開心…
-
心情大起大落
因為我17週開始出血，上星期三決定申請no pay leave 點知批咗之後，香港就爆發出兩宗確診武漢肺炎。好似細佬保佑我一樣，我就順理成章休息到4月1號。 呢幾日爸爸非常之擔心，驚唔夠口罩，唔夠物資。我哋而家有二百個成人口罩（我放長假之前喺診所拎咗幾盒），100個小童口罩。爸爸在喺Amazon買咗500個口罩二月至三月會寄過嚟。 我哋成家決定係屋企嗰度隔離10幾日。希望呢個疫情快啲完。
-
10年
我同爸爸已經相識左10年啦！ 我哋之後仲會有好多好多好多個10年㗎😊
-
星加坡第三天
聽日我哋9:30左右先起身， 10:00先落去食早餐。食完早餐都差唔多11:00 ，原本諗住去KidZania 玩，點知佢哋話要等成一個鐘。咁我哋冇可能等到咁耐，於是就走咗啦。因為我唔係好方便行得太多同埋棋得太耐，我就選擇返番酒店。爸爸同君君就去玩4D adventure 我等佢哋返嚟，等到非常之肚餓，就自己開咗包M and M食。食完之後都仲係好肚餓，就叫咗個seafood chowder送入酒店房。 冇幾耐佢哋返到嚟，我哋食咗陣野之後，又休息左一陣，就落咗去樓下。爸爸同君君去咗indoor playgrounds嗰度玩。跟住我就同佢地一齊去Nestopia 。 玩完之後，我哋就返屋企沖涼，然之後就落去樓下晚餐到食自助餐。 食完自助餐，君君又再去過邊度playground 嗰度玩。然後我哋就返上樓休息啦。
-
喺星加坡
今日第一日去星加坡。本來朝頭早5:00要起身，點知部飛機delay咗，所以我哋瞓到差唔多六點先至起身。其實係爸爸同我地覺遲咗個鬧鐘嘅。 搭飛機要成四個幾鐘先到，我喺飛機度瞓吓又聽下歌咁。君君好興奮，喺機上係咁問問題。 1:00先至落機，搞咗一輪1:45先搭的士。20分鐘左右就到酒店啦。我哋之後就去咗樓下嘅8noodle嗰度食咗個蟹肉鮮蝦炒飯，唔係好好食。 之後我哋就上咗酒店房瞓咗個晏覺。 6:00左右，爸爸就帶咗君君落去Nestopia 玩，君君原來都幾大膽㗎。 之後爸爸就去接返我一齊去trapizza 。我哋食咗pepperoni Pizza同埋海鮮risotto 。呢一間味道唔錯。之後我哋就去咗7-11買少少零食。 然後我哋就返去酒店度休息下啦。
-
老公要我記低
話說我而家陀住咗個BB 14個禮拜啦 兩個禮拜之前，知道佢又係男仔 老公就喺度沾沾自喜，覺得自己啲Y好強勁 最近香港實在太多催淚彈 搞到我都唔敢出去油尖旺同埋銅鑼灣 所以老公都肯同我去旅行 你打算12月會去五日星加坡嘅聖淘沙 老公驚我太辛苦，所以特登話要book香格里拉嘅度假酒店，超貴架！加埋稅，都差唔多$4000一晚。我好期待呢！
-
保守秘密
今日發覺原來君君好奸 話說我地成日叫君君唔可以乜都同人講 今日我家姐細佬問君君媽媽陀住細佬定細妹 君君一臉無辜咁講：「唔知呢，不如你問媽媽？」 搞到佢以為君君真係唔知！
-
保守秘密
今日發覺原來君君好奸 話說我地成日叫君君唔可以乜都同人講 今日我家姐細佬問君君媽媽陀住細佬定細妹 君君一臉無辜咁講：「唔知呢，不如你問媽媽？」 搞到佢以為君君真係唔知！