Category: Computer
-
忙到病
1:30pm學車 今次已經渣得好好 行左成條大坑道，深水灣，淺水灣 途中經過條勁窄既壽山村道 車速都非常好… 途左有次切去左邊線睇錯鏡，差少少挨左埋去 3:00pm去灣仔幫Vincy買左隻火牛同條ram 再上佢屋企裝 上到屋企開左，先發覺買果陣趕得濟，買錯細牛… 而條2G ram，因為佢塊板差得濟既關係，每條slot只係認到1G 岩岩諗住幫佢落番灣仔換換隻牛，佢媽咪就拎左碗燉奶黎 食埋先走 同Vincy去到灣仔，換完，已經天黑 因為佢屋企其實都幾遠，所以俾佢自己番屋企裝(之前教左佢) 我食完飯，就著手裝屋企部新printer 首先係試左新買既價值$230既TP-Link 54G router (其實可以用$90買隻switch，不過見唔係差好多，同第時可能有用) 證實左可以當switch+AP用，就放set左係老逗房 之後開左部22KG既HP OfficeJet L7580 部L5780係HP現時最貴既AiO Inkjet 有Duplex，有Network，原價$2388，employee discount $1556 放左上台，Vincy就手黎話佢隻牛裝唔到… 教左佢D，之後都話差條電，應該係條線唔夠長… 咁岩佢個明uncle又係度幫緊佢(好彩我唔係度) 諗住叫佢unplug住一個rom，用住部機先 我走左去裝我部printer(好鬼重，搬死我) 之後見到4個miss call，3個SMS Vincy話佢部機開唔番…停左係BIOS 唯有飛左出去，買左條1開3既電線，上佢屋企 裝完，update埋個windows… 唔明佢點可以冇update部XP，冇anti-virus/firewall，上左網咁耐都冇仲毒 (以我上次幫Willis既經驗，裝好部機，一上網就windows update，oad左30秒就仲有blaster) 一裝完SP2，就promopt佢部機未activate，都唔知係SP2問題定係佢本身問題… 用老番都要用home edition，我塊搵到crack… 唯有一次幫佢format再裝過個XP Pro VLK… (佢沖左個35分鐘既涼，搞到我等左佢好耐…原本佢話20分鐘嫁) 最後搭12:35既尾班地鐵番屋企… 番到去，再mstsc幫佢裝埋D野 傾個電話 4:30am！！！ 累死我啦今日 P.S. […]
-
學車 + 幫Vincy整電腦
今日學車，好唔鐘意學車唔可以過人 係大球場(平時一定唔會渣依D”學神慢路”，不過要去大道東) 前面有兩個渣Van既學神，渣緊23km/hr囉 大佬呀，條路咁闊，前面又冇車，好心就渣快D啦 有諗過過佢，但師傳好明顯唔會俾我…結果…蟻”爛”左一陣 仲有，係上環唔知邊度，冇咩車，咪開快D 開到50km/hr都仲俾人係咁係側邊過，好冇引 今日3:30諗住打俾Vincy幫佢整電腦 佢話3:30放學嫁碼 點知因為冇約實到，所以佢就留左係學校 5:30到佢屋企，部腦真係撻唔著… 我帶左隻牛去試，但原來我隻牛冇4-pin電頭 Ken So話有，不過要等佢番屋企 咁我咪同Vincy落番新翠食味千…成惠$101 之後借到隻牛，一開就著囉！ 遲D仲要幫佢買過隻牛同埋順便加多條Ram 唔係Vincy提起都唔知
-
幫三哥整電腦 + 買鞋
下晝去幫三哥裝番個office，點之一搞就搞左好鬼耐 夜晚食完飯又同屋企人行街 首先係我係Lane Crawford買左對鞋 之後行Zera幫我老逗係執下身 但可能因為係貨尾既關係，Zera d衫亂到…想揀都好難揀 之後去左Chevignon買，終於買左兩件俾佢… 而我…就一件都買唔到
-
唱K + 幫Vincy加ram + 幫三哥整電腦
muahaha，又可以唱K，太開心 今次有Vincy, Carol, Clement, WIllis, Mike Wu 仲要去我鐘意既Red Box 有”你是我的眼”唱，太開心 之後去左灣仔同Vincy(其實係Carol部laptop)加ram 當Jumbo賣315果時，Videcom竟然賣400 好彩搵到間330，但又唔肯即場裝 結果黎左我屋企，我幫佢裝 原本諗住順手幫佢用兩個鐘裝過個windows 但竟然個boot config改唔到(應該係lenovo protect左個MBR) 但果時已經format左個partition，唯有用recovery 一recovery就兩個鐘都唔知得唔得，等到我都等唔到 去左三哥度幫佢整電腦，話部機好慢 我一開都覺，原來係個hdd變左PIO mode 之後幫佢整埋個Sonar，唔知點解會錄唔到 用佢支$3000既AKG mic試，真係好靚聲，搞到我又想買
-
咁先似番一部人用既機
相比起我部P4 3GHz + 1G Ram 依部用落正好多，開多幾個Visual Studio都唔會有事
-
補錢用WRT54G換Homeplug
話說我買左隻WRT54G v7，WDS唔到，flash唔到3rd party firmware，今日補左$340去換左兩隻Aztech 85M Homeplug (即係用電線代替lan線)…一試，拎到IP，不過download野慢到嘔，仲要download得4-5秒左右就必斷線…激死，試下房唔用拖板，真係好左，廳都唔用拖板，有200KBps，對住隻85M既plug黎講係慢到接受唔到，Corn同Sam都話好難慢到咁… 搞左一輪…都係唔多快…激死…
-
Microsoft派Vista Biz Edition同埋Office 2k7 Pro
MS最近有個powertogether.com既網係度派Vista Biz Edition同埋Office 2k7 Pro，要做既只係睇三個promotion videos，每個都要成一個鐘，好彩佢唔洗stream…download左就del左… 點知唔得…所以都係咁易播左頭果一分鐘同尾果一分鐘…咁就complete左…唔知幾時會收到呢… 不過收到都未必會裝，HDD冇乜位…
-
勁凍 + 被人老屈
今日勁大風…都唔知係咪路… 上完213去左簽I-20…諗住番Asiana食個lunch先再上堂，點知冇開，激死… 之後去左HKSA個election，因為有refreshman同埋投下frd票… 結果被人老屈左我做webmaster…都唔知係咪路，早係4年前，我有個人流每日成一百萬既網我都放棄左，經踏出webmaster依行，估唔到要再做… 其實都唔算係，我只係當幫下手，因為講明唔會design，因為我由小學開始我d art已經係我媽幫我做(still proud of her 98分既"蒙娜麗莎的微笑"，足足貼左幾個月堂，人人都話我呀媽好勁 <<–個個都知係佢畫既)… anyway，點都好都講明係幫手… 新board members一齊去左Ross Tea食，呀邊個好似怪怪地咁… 之後拎左兩大盒Cookie番房食…
-
mid-semester break
放假一天… 一起身30秒唔夠就見到Dick Cheung既offline msg… 開佢條link…download左張tif既相…開…冇反應…大獲…原來係pif…仲毒… 係safe mode spybot scan，scan得突別慢…點知前得scan左三次都唔得… 最後用左d怪方法幾分鐘就搞掂左，好彩平時訓覺唔息機jei… 去左451 office hours，都問左個幾鐘…總算明左…打埋份solution… 食飯，今日又係兩餐變一餐… 佢地話個ETstat lag佢地wor，所以閂左…其實我係理解唔到點解會lag囉 同UFW打左場fun war… 仲有幫Just搞左d html+css