Category: Feelings
-
心情大起大落
因為我17週開始出血，上星期三決定申請no pay leave 點知批咗之後，香港就爆發出兩宗確診武漢肺炎。好似細佬保佑我一樣，我就順理成章休息到4月1號。 呢幾日爸爸非常之擔心，驚唔夠口罩，唔夠物資。我哋而家有二百個成人口罩（我放長假之前喺診所拎咗幾盒），100個小童口罩。爸爸在喺Amazon買咗500個口罩二月至三月會寄過嚟。 我哋成家決定係屋企嗰度隔離10幾日。希望呢個疫情快啲完。
-
生日
我每年既生日都係老婆最開心既日子，因為我又比佢大一歲啦！ 今年期實早左一個星期已經去左Mr. Steak度食自助餐 今日正日，不過老婆要返工，我就帶左君君去海洋公園玩！搭攬車，歡望塔，沙漁館，海洋戲場。不過之後McDonald’s隔離個摩天輪竟然冇開，維修緊，君君超唔開心，不斷話可唔可以兜入去。睇完水母就再搭攬車，玩攤位遊戲，今次君君相要顏色筆！細獎就得。仲有個好好心既家庭送左買一卷一俾我地！之後去威威天地，玩轉轉木馬，佢話想坐車，唔想騎馬😂。走入d，發現原來入邊有另一個摩天輪，好好風，好舒服。一個壞左既船君君都可以玩到唔想走。 返到屋企沖個涼就瞓左，行左好多路啦，都冇乜點抱過 夜晚老婆同我去Marriott食，有tuna，超級多謝老婆同我正日慶祝 返到企企，君君唱happy birthday to Chloe 爸爸，之後再唱happy birthday to Chloe 君君爸爸，超搞笑
-
家長日
今日係君君學校嘅家長日。我同爸爸11點半就去到學校聽校長同埋老師講呢一間學校嘅嘢。我哋覺得原來呢間學校比想像之中嚴謹，學嘅嘢亦都比我想像之中多。其實我都有啲擔心，如果君君跟唔到嘅話，佢會唔會唔開心呢？其他家長，都似乎對自己嘅小朋友都幾有要求。可能呢個香港嘅教育氣氛係真係好瘋狂。
-
29歲生日
今日生日啦 媽媽一早就俾左封利是我 婆仔就好乖咁一起身就打俾我，同我講生日快樂^_^ 婆仔媽本來唔知我生日，不過婆仔提提佢，幫我逗左兩封利是 一齊食早餐 之後婆仔般左行李黎 再幫我執行李 夜晚出左銅鑼灣，買返條靚d既長褲係飛機著，婆仔開心我就開心 之後去左意粉屋食龍蝦餐，婆仔請 多謝婆仔 今年冇人係Facebook同我講生日快樂，不過只要有婆仔同我一齊就好滿足
-
好掛住你
今日突然覺得好掛住你 要好多個衣架先掛到你 好想你係我隔離…
-
McDull’s Taken Away
可以用憎恨黎形容親眼見到麥兜被搶走 今次見到己經差D忍唔住，好彩冇做D咩 下次都唔知點算，怕會亂黎做傻事
-
The Vow
今日睇左The Vow 好驚老婆仔有一日會唔記得左我 怕有一日我會冇左佢 唔開心
-
支持
傻瓜，我叫你支持我，你就用盡方法去解決個問題 還記得你鐘意我D乜嗎？ 我要的，都是一些簡單的支持 跟在我身邊，讓我帶領著你
-
Helplessness
當人地唔幫你果陣，做野的確會係幾frustrated but when u are frustrated about the big picture, look at smaller individual things that would make u feel better Same goes to u my honey
-
很忙，很攰
兩個product同時release，很忙，很攰 今晚想打波，但又落雨…同Henry同佢老婆出去食飯 離開公司前，問多Henry 12個波波既問題 😛 好攰，mentally好攰… 想早訓，但又早唔到，臨訓前諗起雯雯鐘意睇我打日記，所以打埋先訓 見到上年她說，今年睇番，雖然唔記得係咩事，但仲好感動 今天，我知道你很累還要跟我通話 全是不放心我一個人靜的時候… 我知道世上沒有一個人比你對我更好，更會照顧我 任何困難，我們都一起面對