Category: Feelings
-
拆禮物
今日終於等到雯雯得閒，可以拆禮物啦！ 首先就係有支body lotion，真體貼… 之後見到下面有本粉紅色Forever Friends既日記本 心諗，死啦，唔通要日日拎起支筆寫日記？ 一睇，原來雯雯係入面寫左好多野嫁啦！ 佢叫本野做老公手冊，記低左好多我地好sweet既moment 錫晒你！ ^3^
-
收到生日禮物
今日有D攰，起身me me more more咁，等等下，無啦啦有人拍門…郵差叔叔呀！ 收到之後唔敢望，因為婆仔叫我等埋佢先開… 點知之後都係忍唔住望左兩眼，發現雯雯個簽名好似唔同左咁既 望多兩望，原來係媽咪寄黎嫁，拿拿臨開左佢 有衫、褸、項鍊各一 🙂 諗住著件新衫返工，點知一著，個招牌吉到我好唔舒服，30秒就頂唔順，除番出黎 放工返屋企，一開信箱，入面竟然有婆仔寄黎既禮物，原來一早就係信箱度，只係我冇check到… 一日收到兩份，真係好開心呀… 不過雯雯今日要on-call，有排都未開得住
-
哭不出聲
-
好開心的週末
雖然今日雯雯要on call，但係整體上同佢一齊好開心… 因為我做左好多氹佢既事，我好乖咁早訓左，夜晚再陪佢傾計… 仲講左好多說話黎氹佢開心，我知佢鐘意聽我用好溫柔既聲同佢傾 ^_^ 為你做既一切，希望你會喜歡 ^3^
-
去左郵局
今日一起身，睇一睇時間，即刻彈起身… 好耐都未試過星期六會12點起身，都好耐未試過一醒就彈起身，因為要趕住去寄份情人節禮物俾雯雯… 我地一齊既第二個情人節啦，時間真係過得好快…其實我為左佢，唔聲唔聲咁準備左個小小既驚喜俾佢，嘩哈哈，當佢收到果陣就會知嫁啦:P 之後去左超級市場買左少少野，咁遲D熟公仔麵都有餸…仲買左D菜同蘋果，諗起都覺得自己好健康…仲有，連我最愛既薯片都冇買…
-
很想她
卻沒太多時間聽到她的聲音 唉！ 為甚麼我在哭呢？我自己都唔多清楚，就是眼角會流淚
-
聽她說著說著
臨訓前聽她訴說著她的煩惱，我甚麼都做不到，只可以聽著聽著，一時間，感受到她那份無奈，一種被”制找”住既感覺…我聽到她一直說，我哭了，好像害了她的…其實大部份既問題都係由我而黎，對她唔住，很自責…卻無能為力… 我愛她，真的很愛她，但卻為她帶來了無限既問題同煩惱，開始會質疑自己是否已經盡了力… 為何會這麼痛
-
簡單的一句
雯雯尋日on-call，我訓左果陣佢打黎… 話都係唔同我傾，想我訓多D，感動既我，就同佢講”既然都打左黎，就當陪我傾一陣啦”…換來既就係一大堆香吻 ^_^ 不過之後成日斷線，又俾人cut線，搞到心情幾差
-
甜
究竟係因為我太耐冇見過你定係因為岩岩嘈完好番黎… 我係webcam度見到一個笑得好甜既雯雯，同埋一隻好傻既豬兜仔 第二日醒左睇番張想，搞到我自己都好開心
-
漫長既一日
5:30am就起左身，其實成夜都唔係點訓到…2點睇鐘，4點幾又睇鐘… 準時起身叫雯雯，佢今日大清早就過黎陪我去機場…搭的士去既途中，拖住佢隻手，知道佢好唔捨得，心在痛，心在哭…車中，沒說太多話，要說的一早就說了 到機場，係茶餐廳食，食左客腿蛋治，一黎到當堂大個凸，因為塊多士係厚切…食落好好食，好回味，D牛油都好香…好多年冇食過三文治啦… 之後媽咪要返工，雯雯繼續陪我… 她叫我唔好嬲/憎佢地，嬲/憎其實都講唔上，只係好唔開心囉，唔明點解D人會係咁 好唔捨得咁入禁區，我果陣個心好平靜，只想好好支持住佢…入左去同雯傾多陣電話就要上機了 去日本果程幾舒服，睇左Wall Street，又同隔離果個去美國工榦既人溝左陣計…相返去美國果程就慘啦，我個私人電視壞左，8個半鐘冇野睇，我又冇MP3機，結果係靜坐咁濟… 到步第一個感覺就得凍，天灰色的，連帶我的心都一直沉下去… 沖涼再返工，傷風，又頭痛…而宜係HK太耐，一時之間唔適應美國既天氣，行返工吹一吹，耳都痛… 6點到返到屋企…好down，一個人，間屋凍凍的，寂寞的帶住疲累既身軀上床… 係床度回想起剛剛個假，想起同雯雯一齊既日子，又眼濕濕咁