Category: Feelings

今日同Nelson同Jody去左食飯(Kane佢地去左Vancouver)，期間雯雯打黎…佢話今日同Fiona去睇Inception，問我想唔想佢早D返黎陪我傾…我見佢今耐冇出街，咪叫佢去玩得開心D囉…點知佢竟然懷疑我隱瞞佢同第二個女仔食飯，激死我啦！我一片好心，竟然俾人當做壞人…不爽…

雯雯之前要考試，所以要專心溫書，考完試之後都好忙，冇咩時間傾計… 星期日仲要on call… 記得我識左佢之後佢第一次on call，我成晚都冇訓過，係度傾計…是開始喜歡她既時候… 今次她on call，好像重拾那種感覺…還好我唔太攰，傾左成個下午到夜晚…傾左D咩我都不太記得了，我地好似會討論D咩，都係講下生活既野…因為傾既內容不太重要，不過能夠陪住對方，好close ^_^ 仲有估唔到既就係我4am訓到6am之後真係仲有精神繼續傾(雖然有D死下死下咁)

夢見我地結左婚之後，有一晚你約左個舊朋友返St Paul，叫埋我去，但你唔同埋出街食埋飯，話要返屋企食，激死 時間一轉，我變左Sammi你變左許志安wor，大家係台度演唱會果D…咁因為你又唔理我，我又喊起上黎…我係台上一路喊，你都唔理我，我就越喊越勁，你就唱完一首歌就落下一首歌，都唔理我… 最後我喊醒左，有知覺，不過仲想喊落去…喊左一陣…舒服D…但係個心仲係好唔舒服

尋晚發左個夢，夢見同雯雯一整去食野…佢坐係我隔離，叫左個唔知乜野麵，而我就叫左個唔知乜”老水”野(淨係記得有隻蛋)…佢果個餐黎左先，我碟餸都黎左，但係個麵未黎，所以咪等下先… 之後雯雯就係咁係度食，仲食埋我果D (真為食)… 我好記得我全程都係用右手攬住左佢，感覺好close同好sweet ^3^

雯轉左返工既環境，係新環境，自由度少左，平時好難先搵到佢，更加怕搵佢，確實係有D唔習慣… 好似今晚咁，明明好攰，但就係唔想訓…

時間過得真係快… 🙂 每次同她一齊(傾電話)，個感覺都係好close，雖然相隔異地，但係她會俾到一種特別既感覺我… 依排成日要早起係有D辛苦，又唔係好夠訓…但係覺得幾開心 🙂 P.S. 仲未諗到送咩生日禮物俾佢…

夜深時份，一個人坐在桌前，突然有種寂寞既感覺湧出來… 想找雯傾訴，又怕阻住她工作，那種矛盾既感覺好難形容，結果傻下傻下咁過左成個鐘… 2點鐘了，好攰，但仲係唔想訓，打左個電話給她，不過她卻在工作… 的確有點失落，不明來歷的失望

今晚，有個小妹妹問我，可唔可以做我女朋友… 佢呢，係Shirley Ho d朋友黎既，係之前返HK果陣，係咁想識女仔果時，咁岩Shirley都話有幾個單身既好姐妹可以介紹我識wor，咁就識左啦… 期後，都約左我幾次出黎食飯嫁…人品唔錯…都幾多咀健談(+為食)，咁咪開始留意下佢囉，睇下有冇機會呀碼 咁經過佢既連番努力，我終於被佢深深咁打動左… ^_^