Category: Friends
-
睇袋 + 稻穗亭
今晚約左Susan係太古稻穗亭食dinner 早左少少去左Agnes b睇下袋，因為想送個俾媽咪 今日有個新款番，不過全個銀食，young左D 睇黎睇去，都只係鐘意依個 Vincy話有frd有8折… 不過$1680 8折左其買同冇折差唔多 稻穗亭食，岩晒我依D大食既人 其中好笑既係… 一開始叫野飲，我叫芒果乜乜，佢叫啤酒 上果陣，問都冇問就放左杯芒果乜乜係佢度，啤酒係我度 之後我同佢同時將放係自己面前杯野拎俾對方 之後係度大笑…哈哈哈…好明顯係性別既問題 因為你叫野食張紙寫幾多佢個份量都係得少少 所以要以多取勝 不過走單問題嚴重 一開始叫左一份牛肉厚燒…冇黎 第二張紙見佢唔黎，叫左兩份牛肉厚燒…冇黎 第三張紙再寫多兩份牛肉厚燒… 冇耐終於黎啦…不過果8粒左右 食得好快…淨番兩粒果陣 竟然再上多次牛肉厚燒… 大家都係度…哈哈哈… 正明要係咁入紙先得 有個牛肉薄燒由頭都尾都冇黎過 同人講話差兩份牛肉薄燒 叫左兩次終於都黎 得果五舊(不過好好食) 食到得番一舊果陣，特然又再上牛肉薄燒 哈哈 其實仲有好食既燒雞軟骨同埋雞皮…
-
魔法
今日成日都好頹… 由起身，發覺你冇打過黎 上網睇唔到有diary 之後就開始頹 仲要竟然打左5次IDD都打唔到俾你 唔開心之際，你為左我而好早咁起左身打黎 一聽到你把聲，唔知點解成個人心情好左好多 你好似識魔法咁呀 約左Susan食飯 其實好想食太古果間稻穗亭食 不過OK貴，同原來要訂台 即係冇得食囉 最後去左西灣河間羽壽司 每人$100，好明顯食咁少我係唔會飽 所以醒目地出黎前叫工人煮左個餐肉公仔面
-
Janice食tea + 中同睇L
倒完耳模後，去搵Janice食tea 由times square行番去Sogo，隻右腳菠蘿蓋俾野鏗左下 痛到叫唔到出黎 回頭一望，係一隻不秀鋼既煮野食兜 痛到媽媽聲 係翡翠明珠間茶軒食 因為我同佢都未食lunch，加上佢仲有lunch set食 傾下計咁，講下佢D野… 我約左Vincy食晚飯，佢都要番屋企食 就走之際，佢M痛 咪叫佢媽帶定D止痛虊俾佢 點知佢越黎越痛 當然係痛到就暈果隻 搭的送佢番屋企 同佢媽一齊安頓好佢，傾左陣計我就落番銅鑼灣 8點去到，Vincy叫我買左戲票先 佢地話買左H同I果兩行 我去到，條尤話得番頭兩行 心諗大鑊，一睇，明明有個I位 原來I係第二行囉！ 之後我D時間半天吊，事關佢地食緊任食打邊爐 果陣8:15，佢地9:15走… 理論上我一個鐘實食得飽，但你知任食既話，D上食物係幾咁慢 上到去，個呀姐竟然話可以只坐而唔收我錢，真好 買左個吉野家入戲院食 齣L個人覺得就真係麻麻… 唔跟完本個故仔，甚至同上兩集冇關係 冇左上兩集講L同夜神月兩個人鬥智既元素 番到屋企 雖然好倦，但都好enjoy傾電話果個感覺 其實同你傾果陣真係好舒服 可以好放心，乜都唔洗諗咁傾 同埋你既傻笑…muahaha…實在好得恴
-
食late lunch + 整機 + Blowing in the Wind
今日原本約左Susan食lunch 點知佢一遲再遲 我食自助餐既美夢粉碎左… 唯有係Pizza Hut食tea 兩個人叫左三個餐，都係唔多飽 之後拎左個讀碟會疾既Lite-On DVD+RW番代理 去到竟然乜事都冇囉 吹到漲一漲！ 今日學唱Blowing in the Wind 分左三部 真係好好玩 最好既就係一學完就收到Carol既電話
-
Mojo食飯 + Johnson食飯 + 撞到Alice + 買野
係美國Yr2果陣打機識到班人… 其中一個叫Mojo，一個畫史力加既勁人 佢番左黎HK IMAGI做 今日上左佢個studio，有成4-5層 嘩，第一次上人D studio，參觀左一陣 (因為Mojo好大粒，所以可以隨便帶我週圍睇) 飲完茶之後我就番屋企啦 下晝打左陣CoD4 夜晚約左Johnson出黎食飯 事關佢有D program既野想問我 約左8:30pm係太古Spaghetti House 我早左少少到，去買左少少新年送既野 期間同Susan傾緊電話… 點知行行下竟然有人叫”何欣然” 一望，原來係小飯(即Susan個妹)，又會咁岩既 同Johnson食完傾野，11:30pm都唔趕我地走，真係怪 番到屋企成晚都唔多舒服 頭痛，胃唔舒服，又凍，又失眠 慘 令到Carol擔心我，有D唔好意思
-
行街街 – 旺角篇
尋日其實我想買衫嫁 行過Boss，有件長袖衫，有少少design，真係幾型 可惜貴多D，要$1500 不過尋日Carol口輕輕話可以搵到件靚過佢同平過佢既 所以今日佢番完BU搞埋D野之後就一齊去旺角行 (可惡既佢，竟然想係旺角站轉車，完全當我冇到) 行左一個下晝，終於買到野啦 三件衫，仲有一對鞋，不過全部都係Carol買 而我就乜都買唔到，睇黎我要張我眼角降低少少 夜晚食Spaghetti House，真係好好食… 個意粉啦，spare ribs，仲有個甜品 簡直係正…可惜影唔到相 今日好開心 之後發現，唔係人人都識餵人食野… 哈哈哈，好有學問嫁
-
行街街 – 銅鑼灣篇
今日起身之後悶悶地 食過飯冇咩做，想出街行下 咁岩Carol都話想行，咪一齊出黎行 之後Vincy補完習都有一齊出黎 食Pizza Hut，幾好食，不過都係鐘意意粉屋多D 可能因為係美國食得pizza多 P.S. 唔可以唔提Vincy果個補習學生 唔知點解佢會想同我講電話 但我一聽，佢第一句就係小我，第二句講埋我呀媽 如果係我既學生，俾錢我都唔幫佢補 咁冇家教…
-
學和音 + 陪Vincy出海旁
尋日上完流行歌班，今日係尖沙咀上和音班 間房同尋日果間真係冇得比 和音真係幾好玩… 不過真係好難練，同唔知點練 夜晚Vincy唔多開心 約左我去左鰂魚涌公園個海旁 講左一大輪，原來佢… 其實我一早都估到 期間有D插曲… 佢話”我自己有D白痴” 我話”果個制？” 佢話”咩制？” 我話”我係白痴囉” 佢話”下？” 我話”我係白痴囉” 佢話”我係白痴制(仔)？” 之後佢就係度勁笑
-
Eva來了香港
Eva黎HK幾日，今日得閒就搵我 係炮台山接左佢上我屋企傾左陣計 之後落太古Spaghetti House 個朱古力溶岩真係好食 出左海旁行左陣 再送番佢番灣仔酒店 雖然時間唔係好多，都唔係做左好多野，但真係好舒服