Category: Janice

今日番美國lu 老婆好乖咁7am起身，明明好倦都用極速趕黎我度，真係超低錫 執埋少少野就出發去機場，一路都緊緊的拖住老婆隻手，怕怕…我怕我會再拖唔番 去到機場，問佢可唔可以聽日先走…雖然係會好趕好趕，但可以多見老婆仔一日，為左佢，辛苦少少都冇所謂…不過要等兩個鐘先知得唔得… 去食早餐，之後係大家樂外面坐係度傾計，老婆倦得濟，慢慢就訓係我懹抱，應該係最後一次佢可以訓係我既抱抱入面，再下一次，應該要係四個月後了… 最後還是要今日走… 抱抱，依依不捨的行，入禁區前，再抱抱，再抱抱，好緊，我唔想放心，好唔捨得，因為我好愛老婆，不想分開，只是四個月也不想！ 係飛機度，睇著老婆寫左4個月的本子，終於眼濕濕了，想喊，但冇，因為當我閉上眼，諗起和她四個月以來的回憶都是快樂的… 感覺係她的心包住我的心，雖然飛機個位好唔舒服，但係都靜靜的入睡…拍拖四個月以來，是第一次她不在我身邊，但會感受到我們的心是連住，她真的是陪住我訓… 飛左好耐，終於到Pittsburgh，但我個行理唔見左囉！！！要下一班機先飛黎！可惡…唯有番學校先… 去到已經好倦，但係我就乜都冇，涼都冇得沖，好彩問suitemate借左pillow同sheets，唔係訓都訓唔著… 10pm上床，但真係訓得好差，醒左好多次…發左個惡夢，夢見因為老婆冇理我，所以和她分開左…好唔開心… 個夢唔開心，都唔開心自己會發個咁既夢，應承左老婆要堅持，但卻發個咁既夢，有d冇面打電話俾佢… 掙扎左半分鐘，都係打左俾佢，因為我真係好需要她，好彩老婆明白我，不但冇話我，仲好support我，令我好感動…

最後一日係hk，老婆一大清早就黎左我度lu，好野，又見到老婆… 因為好早，所以呢，佢黎到果陣我先岩岩起身，個人傻下傻下咁去接佢，番黎一齊再訓過 食完飯開始執野，多謝老婆呀，有佢係度，我可以唔洗郁手，d野好似識法術咁，自動飛晒入個箱度，都係老婆叻叻既功勞 之後我去探契媽，佢番曉風教琴，我坐左半個鐘就走lu，跑左去太古，買cookies俾佢食，知道佢係宿係靠d餅黎吊命，咪買d好食既cookies俾佢囉，不過呢，跑到我死死下…行經tomlee，買多個拍子機俾佢…之後趕去佢屋企，靜靜雞咁放左係佢床前，再拍冇野咁去接番佢放工… 我呢，呃住佢話跑錯路去左太古，佢竟然信wor，真係乜都聽老公話，我講咩佢都信，愛死你 之後番我屋企食飯，我再次彈結他，彈左一次遇見俾佢聽，係佢對眼，見到將來，見到佢既幸褔，都見到大家將來既幸福… 之後去海旁傾，再食糖水… 送佢番屋企，企係佢門口等佢發現份禮物，點知個傻豬唔入房wor，激死lu…唯有打電話去吹佢沖涼…佢先睇到… 佢好開心咁行出黎，抱實我依個老公，睇得出佢真係好開心，好愛我，好鐘意我為佢做既一砌… 臨走前依一兩日，雖然仲未可以為佢戴上介子，但係，我真心咁覺得我地已經真真正正咁成為左兩公婆 我會去學，學識點去堅定… 老婆，你等我番黎娶你呀，等四個月嫁啦，好快好快，你要等我呀！

鬧完分手後既幾日，時時刻刻都同老婆一齊，感覺像一家人一樣… 一齊食韓燒，食麻布茶房，好開心 一齊4個月，佢為我整左好多野食呀… 一個蛋糕，一堆cookies(俾我係飛機度食)，茄汁豆腸仔意粉，望住佢，彷彿睇住我老婆一樣，有一種好強既感覺… 個感覺係寫唔到出黎 之後租左隻碟上我屋企睇，叫"我愛奧諾奇"，日本片黎，雖然唔係我平時睇開果d戲，但都幾ok，同好enjoy抱住老婆果種感覺… 食麻布茶房，個雪糕好好食呀，最搞笑既係我地差唔多8pm先去到，出面有10人等緊位 我拎左張35號飛，但只係叫到28，睇黎都係要等陣… 點知…叫 28兩位，28兩位… 29兩位… 30兩位… 31兩位 32兩位 33兩位 34兩位 我叫"35兩位"，估唔到原來係等左一分鐘都唔洗，其他人望住我地行，勁好笑… 行左陣維園，石春路真係好痛呀，都唔明老婆點解仲可以跑得咁快…(不過記住，一個唔會等埋老公既老婆係死黎罪黎，要打pat pat的) 好多年冇盪過千揪，好怕老婆盪到咁高會跌，錫老婆唔想佢跌，最後，還是我讓步吧… 送佢番屋企，今日過得好似兩公婆一樣… 我愛你，多謝你為我做的所有事

尋晚買左今日早場既戲飛，9:20am睇Simson，的確係好早，好倦，而且，中文版真係麻麻… 去左Jusco睇銀包俾她爸，因為想今晚順面慶祝埋uncle生日，不過點睇都冇個岩… 結果係去左我屋企訓番陣，大家都係一上床就變左隻豬 夜晚6pm出左去sogo再睇銀包，終於買到個 之後去漢和食韓燒，都ok啦，幾好食，好開心… 莊把禮物送給uncle，uncle問宜家拆唔拆得 auntie話"成家人都係晒度，宜家唔拆幾時拆" 聽到果個moment真係好開心，感覺係成為左老婆家的一份子… 行左陣維園，第一次同程講起我同老婆之間既野，佢都講左d關於佢既"情史"俾我聽，希望佢會鐘意我啦

她今日番lab，但經過尋日的分手事件，她卻專心不到，又做錯野… 放lab，去了太古海旁 的確，大家都好唔開心，大家都想繼續一齊，但都明白，我們中間的確出了好大的問題 大家都偏著咀傾計，輕輕的拖著對方雙手… 突然既一場雨，一場大雨，我們一齊跑去避雨…唔知點解，我們笑了，好像雨過天晴咁… 她說著要我"咩"住佢行，哈，她啦，行左，幾步咁啦… 見到Peter Lau，再係太古行左陣… 傾她的問題，想她為我放棄一些事，她卻做不到…心酸… 食Mc記…再送她回家… 今天，風雲變色，有喜有悲，都唔知以後我們會點…好驚

連續兩日了，我們又鬧分手 今早莊黎左我屋企，食過飯，訓左一陣，一齊睇VCD，戰狼300 佢第一次同我一齊睇vcd，大家坐係同一張凳度，依靠著，抱著對方，她的腳long係我隻腳上面 雖然莊唔驚，但覺得好血"聲"，hehe，攬住我攬得更加實，hehe 睇到差唔多完，就要趕去旺角同佢一齊去她的組聚 好努力嘗試去融入去她的生活，她的活動，她的圈子 的確，好難，好辛苦，有點格格不入既感覺，像係兩個世界既人 又因為離開既時間，同埋因為她的朋友幫她慶祝生日，搞到我的情緒更加差… 為她準備了四個月的事，白廢了，心像碎了一樣… 她不會明白，我為她做了很多事，全都沒告訴她，只想給她一個驚喜，想見到她開心，想令她覺得幸福… 這一晚，四個月的心血冇了，覺得為她做這麼多其實係冇用… 連續兩日，令我的心完完全全的碎了… 放手了，再沒有多餘的氣力

好辛苦，唔知道應唔應該再繼續咁落去… 我地好似係兩個世界既人咁… 係銅鑼灣行…Times Square一路食飯，大家個心都好重，佢唔敢食和民，怕我做晒所有promise之後就會走… 最後，坐左係信和neway外面張sofa，之前同Sally坐過果張，傾左好耐…一齊走左出glass door，後面雖然唔知有d咩，但還是一齊去走這條路 最後，還是一個抱抱，救番這段感情… 不過，還是有d野