Anthony's Diary

Category: Programming

  • spring break第一日就分手了

    估唔到一齊左一晚之後… 第二日就分左手了… 1–3–4  \ /  \   2    5 一restart左node1果個routed，之後就converge唔番…搵左一陣，知道咩事，fix左，順面用valgrind fix埋d memory leak… 首先係valgrind係bash度會出 ho@unix32:~$ valgrind valgrind: mmap(0x80f0000, -1477378048) failed during startup. valgrind: is there a hard virtual memory limit set? 要轉番去csh，其實係path問題，不過都係懶得理，用csh算… 加番d free之後，11:40pm發現…memory corruption…頂，又趕唔設係12am前交，唔理lu…聽日先算… (btw，交唔交個新d既version都好，都要fix晒d bug，因為project3係transport layer，所以project2個network layer一定要work) 話時話，spring break真係好，可以2pm先起身，慢慢行去OE買個lunch食，再睇Death Note Amine…唔享受番一下都對唔住自己…

  • MS Interview + 15-312 exam + 一齊左

    今日9:30am Microsoft Interview 傾左幾分鐘，之後就問野… 1) What's a graph 2) What's the difference between a tree and a graph 3) Write pseudo-code for BFS 4) Give test cases for "bool IsTriangle(int a, int b, int c)" 之後仲傾左10分鐘計 15-312本身d野唔難，但係d wordings都唔知佢up乜…結果…當然係做得唔係幾好… 3pm同Priscilla一齊係cluster度一齊做project，寫router… 最後，終於一齊左… 就係9pm，5個router既route table終於converge左！

  • 寫router

    之前寫好左kernel入面既network layer，仲要寫多個識OSPF既routing daemon… 冇starter code，由冇開始…真係幾係野… 寫寫寫…星期五六日，三晚都係咁係度寫，寫到5am呀陰公…好驚做唔晒囉！ 話就話我夜晚做，Priscilla一早做…但係佢都好似冇咩點寫咁既…佢寫完，問我點run wor，果下真係好無奈，其實都好唔開心…唔係傷心果種唔開心…唔多知點講… 我唔係話介意我寫左8成既code而佢連run都唔識run，話晒我都叫做鐘意做…不過咁佢都係我partner黎嫁咩，我有野唔識都可以high level咁discus嫁碼，但係成日又搵佢唔到，沖個涼會變左失踪5hrs，真係激死… 依排真係係好大壓力… 同埋我Mar 6-8每日都有一個exam，溫都未溫過，我都要溫書嫁碼，只係做個project咩…唉… 上次同Peter傾開，話同我一group做野果d人真係好… 諗諗下都係… 15-200，我做晒，我一唔同我個partnero做，佢就俾prof caught cheating… 15-451，次次都係我做晒先，之後大家諗下有乜野可以改好d 15-441，networks就唔洗講啦，依個project我寫既code同佢寫既code…

  • Endeca Interview + 312

    人生第一次真正既interview… Endeca，問d問題都算識答… 唔知有冇機會呢？ 起碼知道佢地個product唔係一個RDBMS咁簡單… fyi: Endeca個IPO，係Wal-mart, NewEgg, Nike, IBM, Circuit City，仲有好都公司都用緊… 第一次係半抄既情況下係一晚耐做左312功課…可以開始寫networks了，不過priscilla又係乜都冇寫過咁…本來都right on schedule，搞到宜家好似遲左d… 仲係好唔開心… P.S. 今日Miss Au生日

  • 終於做完

    做左咁多日，終於做得完forwarding果part 仲要寫多個routing daemon，implement OSPF… 再做Networks written功課…點解咁多野做嫁？ 仲有仲有… 星期三: Cog Psy Hw(做左) 星期四: Network Written Hw(做左), Networks Mid-term 下星期二: Social Psy Mid-term 下星期三: Cog Psy Mid-term 下星期四: Principle of Programming Lang (15-312 SML) Mid-term，連功課

  • 魚生飯 + 做Networks

    今日係度狂寫Networks program…寫左好多… 6:30pm去左Andrew屋企，HKSA係佢屋企搞event，食魚生飯同埋有得打PS3… 我最遲去到，一去到已經見到成班人係度玩PS3既NBA，真係好鬼靚，d汗好真！！！ 第一round，冇飯食，雖然有d肚餓，但都唔緊要既… 之前聽度8個人打Winning，其他人係Andrew房度玩… 首先係"kum綿toy"，笑q死，Jeff反應慢之餘，仲要成日想陰人，結成幾次陰番自己… Jeff, William同Peter輪左，要罰…攬住我扮基… 之後鋤Dee，Hannah、Vanessa同我輸左，佢地話要罰果兩個女仔錫我wor，都痴線既…乜我係d咁除便既人黎咩…結果搵左4個人影左張HKSA既相，即係一個人做一個字果d呢…但係HKSA個S…哈哈… 之後玩Do Not Laugh，依d野當然難唔到我… Bing Bang Wa，都係冇難度… 超級無敵馬拉松…玩到悶… 超級無敵大電視… 當Peter要估既答案係"懶野"，佢估到個"懶字"，之後好認真咁話"懶閪"，笑到個個攬住左個肚，之後佢見到咁，話"唔係呀…懶咩呀…懶屎眼！"，立即笑死又得，得左！ 2am番到房，寫networks寫到5am先訓！ forwarding留番5行左右俾Priscilla寫…唔係佢實話我寫晒唔俾佢寫…

  • 第二單freelance

    今日做我依生人第二單freelance…收佢$500，將個design加番少少javascript，做一晚就得… 佢原本有個CMS，唔洗我理，不過見到個要黎賺錢既CMS，d code爛到… mysql_num_row(mysql_query("select * from table")); 真係想死… 仲有仲有，db冇primary key 仲有仲有仲有，如果你要第5頁既data $query = mysql_query("select * from table"); for ($i=0; $i<$item_per_page*($page-1); $i++) mysql_fetch_array($query); 真係嘔血…好彩間公司入面好似冇人識… 話時話，個CMS係一個做占卜既人寫，以前同Cookie有少少關係…(唔好提名啦)

  • 你想up D乜呀

    真係想打護佢甘，諗住開始寫networks功課，點知寫落先發現原來份spec寫得極confuse… 週街都係flag，function input有個叫flag，buffer structure入面又有個flag，IP header入面又有個flag，咁邊個flag打邊個flag呀！講清楚d得唔得嫁jei，乜都要我地自己試！真係想打人呀！！！

  • 寫router

    今次network份project，要寫network layer，即係routing果d煩野，只係睇write up都要睇兩份…一份係個功課份spec，另一份係個kernel simulator既spec… 其實已經係第二次睇，不過都唔係好明咁解囉… 裝左個X-Win32，可以x11-forward學校個kde番我部laptop度做，真方便…

  • SML + 15-100 TA

    今日2pm起身，寫SML寫到4pm… 去office hours問野… 之後去Craig St.買飯食… 番到房叫左Leo黎我房做佢既15-100…佢就黎做好果時Vanessa黎問15-100… 最大分別係Leo要寫Java，Vanessa要寫Alice…Alice係一d唔洗寫code既programming course，可以就咁drag & drop d if-then-else block黎做…個人覺得仲煩過C既segfault十倍…乜都要drag，我打字又唔慢…仲有，個built-in "copy & paste"係 copy by reference，即刻俾人屈爆機…你幾可copy & paste之後唔會改d content…但一改就兩個一齊改晒…仲有仲有，function可以pass in object做argument，但會變左一個generic object，冇晒入面既property，咁即係冇用… 寫到8:15，都算教得佢耐…但我教人野唔鐘意只係教識份功課，我要教到佢明埋其他related既variant，所以會用多d時間…