Category: Sally
-
痛苦
正當以為我已經唔會再為Sally而唔開心… 但係尋晚又夢見佢…夢見我係香港，炮台山地鐵入面，我地係番埋一陣，雙擁住，錫… 她的咀唇是多麼的軟，有d sticky，攬住佢，摸… 雖然唔知點解會係番埋一齊，但已不再重要，只係想時間可以停留在那一刻… 但無奈我又要番屋企拎番d野，Sally係地鐵入面等我…我想可以快d攬番住佢，跑跑跑，但偏偏好似上斜路咁，跑極都唔去… 番到屋企，屋企人又唔俾我出番黎，結果又同屋企人反左面… 再跑番地鐵…但去到，已經搵唔番Sally…係站入面搵黎搵去，都搵唔到…最後見到佢企左係一角度等我…我跑過去，但係慢慢係我眼前消失了… 結果我跳左落去… 醒左，一陣心酸… 搵左G傾左幾句，再訓番，但又點會訓得好… 下晝，又突然諗住佢，還是引唔住…:cry: 原來我仲未放得低，為甚麼會那麼難，為甚麼！ 還是我根本不想放低？不過我鐘意佢又點？她不喜歡我，和我一起也不會快樂… 希望Sally睇到依篇post之後唔會又想避開我…
-
ToYouFromMe.net
記得個網係寫俾sally的… 雖然分左手，但還是將個domain買多一年… 仲有可能嗎？
-
夢見Sally
今日12pm堂，但9am扎醒左，諗一諗… 原來係夢見Sally… 夢見我同佢企左係牆前面，佢企高左少少，我攬住佢，好緊好緊… 醒左之後個心跳得好快，係度深呼吸，唔知點解有種雖然唔係好激烈，但係好難忘既感覺…
-
神，我想問，你是否
(神)你不歡喜我，迫我入了魔
-
開學lu
今日係Martin Luther King day，人人都有得放假，我有都有…半日咁大把… 得番一堂…餘下既時間都好唔開心… 唉 夜晚試下唱左陣歌…麻麻地…近排少練
-
等開學
今日最煩係落雨，冇乜野做，都係訓下晏覺同掛住Sally咁… 我應該忘記佢？咁多年既感情，點可以話忘記就忘記？唉… 同埋點解要忘記佢呢？佢曾經係我的女友，事實係事實，忘隻咪即係逃避？
-
Last Day: Lunch K + cry + Miss Lee + McDonalds + CC電話
今日last day lu… lunch約左Patrick係neway，12:30pm去到，點知1:30先有位…所以上左我度坐坐… 唱k lunch，個lunch難食到想死… 唱"離開以後"已經開始鼻塞，再唱"當愛變成習慣"，還是忍唔住，其實係我自己想喊掛，所以特登一次過點幾首傷心既…Patrick見到，攬住左我… 唔想番屋企，同佢去左灣仔買mouse同speaker，之後都仲係唔想番屋企，佢再陪左我行太古城，點解太古？因為雖然行左好多次，但回憶都最多… 同馮啟文一齊去左西灣河食，本來想食大壽司，但係好多人，行行下見到Miss Lee，佢知道我最後一日，話請我食飯wor，但佢其實好倦，所以都係叫佢番屋企食… 我地三個去左大快活打邊爐，但我真係冇胃口…又喊左陣… 去左Mc記食，之後Janice都出左黎陪左我(我？我諗其實係Patrick)一陣… 12點番屋企… 同CC傾左164分傾呀…好耐冇試過(其實我諗冇試過咁耐)，多謝佢…肯同我傾，都講左唔少野…一向唔表態既佢都總算表左少少…對佢了解都多左唔少… 執野，其實開始頭暈，但係都要做嫁碼 4:30am，訓… 最後一日係hk，多謝咁多位好朋友係我唔開心既時候陪住我，特別係GG同Patrick…仲有CC，佢成日暗裏地幫我… 至於Sally，我好直接咁開過口問佢再一齊既可能…雖然有唔少人叫我算…但我其實都仲係仲想住佢，都送左好多野俾佢，我諗，宜家只可以等… 一係等時間證明我係她的Mr Right，證明我和她最終係會白頭到老… 一係等時間沖淡一切…
-
包禮物 + Best frd打邊爐 + G + K
今晚應該係臨走前最後一次會見到Sally了，準預好的禮物(包插分手前同分手後買的)都係今晚一次俾晒佢… 原本諗住出去包，但最後都係自己包，雖然冇咁靚，但有心d…都包左一陣… 約左7pm係銅鑼灣，Times Square大電視下，見到CC，要等埋遲少少先到既Sally同Cookie，傾左陣… 一黎到，見到C買左一大袋衫，原來有$1500，真係有米… 搵左間任食既大邊爐，d野食一般…但係點都係成班best friend一齊呀碼 食完，俾左份禮物Sally… 有 lip gloss，俾佢搽左黎錫我… 心心夾夾兩個，本來諗住我番HK後一齊影張相，之後一人一個放係大家既台頭… Tiffany手鏈，因為之前我送俾Sally果條手鏈爛左，我應承過買俾佢 銀包一個，因為佢唔見左個銀包… 佢以前個銀包入面有$200係我俾佢，佢一直都唔捨得用，同埋有一張我俾佢既相…我係佢新銀包放番依d野入去，仲有張小小心意街既卡…"雖然咫尺天涯，卻又近在咫尺"…入面仲有$520 + $131.4… 不過Sally拆左個銀包之後好似完全冇留意入面有野…就連G, CC, C都見到…心酸… 搭地鐵走，G陪左我係炮台山坐左陣，我又喊了，唉…他安慰我說着她的不是，但，唔通因為他既兩句就能夠放低Sally嗎？ 唔想番屋企，同G一齊去金鐘搵K，幾年黎第一次見佢，佢都仲係差唔多…不過佢地真係唔多似拍緊拖… 番到屋企，同陳錦銘傾左幾句…又要喊多陣…
-
爸office + 買scanner + 買銀包 + 契媽食飯
今日，2pm起身，去左爸office，幫佢執番佢陪電腦入面少少野，教左佢點rip CD做mp3… 之後去灣仔幫三哥買左個scanner… 再去太古買銀包俾Sally，本來想約GG出黎，點知佢唔多想落黎… 去到太古，間野冇開，激死，入左TomLee彈左陣結他，再去，終於開番… 買左個銀包，行去契媽度，經過Sally屋企，諗起之前成日行完太古，送佢番屋企之後我再行去契媽度，不過今次唔同既係，身邊少左個人… 最後一次係契媽度食，4個人食5個餸，辛苦她了…
-
第一次同G單獨行街
尋日番到屋企，好想搵G，但打極佢都唔聽，咪叫佢細佬留張紙係佢台面叫佢打番俾我… 而我成晚都訓得唔好，6am仲未訓得著… 10am G打番俾我，聽得出佢係岩岩番到屋企，但我果時好似病病地咁，結果12pm先起身打番俾佢…約左佢出街買野… 去左太古城，想買銀包俾Sally，因為佢唔見左個，同埋都想佢明白，佢唔見左既野，我會盡量俾番佢… 行吉之島先，行左三個字都唔夠就走左，因為d style真係太過唔掂…去左太古城… 上面行番落黎，見到有個幾好摸的，又諗起sally鐘意d咁既野…再行angus B，有幾個都幾想買…行埋UNY，都有d ok嫁… 心大心細，行左幾次，angus b都入左去兩次… 入左toilet洗左個面…G好似都見到我"洗緊面"，不過佢出左去… 決定都係番屋企諗清楚先… 同佢一齊去UNY food court度食野，其實我都未食晏，所以都有d肚餓…(其實分左手之後都冇乜謂口食飯，所以今次都瘦左dd) 買野食果時我都醒水叫佢俾張紙巾我…點知果個人又真係慳到俾得一張我… 食果時，同G係度傾下，慢慢就忍唔住喊左出黎lu，佢應該係第一次見我喊到7彩吧，有d嚇"外"左佢，佢問"你冇野呀？"…希望冇嚇壞佢啦…其實我之前係美國唔開心/喊難都會搵佢，不過佢見唔到jei… 行到地鐡，佢話"依度係地鐡啦bor"，其實我跟本都唔想番屋企，同佢一齊行番佢工司…先行番出去搭車走… 有G依個朋友真係好，燒完通宵野食10am番到屋企都會打電話俾我…仲肯陪我出黎…難怪d人叫佢做我bf…唔知仲有乜野人肯咁樣為我呢？