Category: Sally
-
可唔可以俾個機會我以後同你拎袋？
之前其實一直想約Sally出黎同我買衫，因為佢了解我著乜野衫好睇… 難得佢今日肯打電話黎約我去，我梗係卜住咁去… 同Miss Kwok, Miss Au食完飯之後行左去Sally屋企樓下等佢換衫化妝果d，等左陣，佢話不如上去佢度啦… 幫佢整番部printer，等佢換埋衫就行… 佢要番City拎左Hall條key先，去左佢新房睇下…都ok啦…雖然佢間房個view麻麻地，但係係出面望番海果度，真係好正呀… 行又一城，我係izzue買左兩件衫，買左件俾佢…之後原本諗住搭地鐡走，不過佢話肚餓，想買飽(奇華)，我拉左佢入supermarket…之後佢問我想唔想一齊食，我話好呀… 佢原本話食KFC，難得佢食，梗係要食間好d…打俾Corn，因為好似記得佢話過有間唔錯，但係又唔知邊間，點知Corn話唔知(即係我記錯)… 最後去左皇府度食… 叫左個白切雞(貴x雞)撈麵，加個咕嚕肉(因為記得以前佢係我屋企食lunch果時話好食，食左好多飯)…一路食一路傾計… 之後一直想問佢個問題，鼓起勇氣，到佢岩岩碗麵，我問佢，"其實我地有冇機會係番埋一齊"…佢話冇左果種感覺…講番到最後，都係因為我之前錯過…兩次…之後係番埋一齊，我知佢唔會再信晒我，我都好努力咁去build-up番段感情，不過很難…anyway… 今次佢都好好謂口，叫多碗白飯，傾到佢倦先走… 出左去，佢話真係好倦，叫我幫佢拎袋… 我拎左之後問："可唔可以俾個機會我以後同你拎袋？" 佢笑左一笑，話："你宜家咪拎住囉" 本來想攬住佢，不過佢縮開左… 經過左間賣袋既，入去睇左睇… 行番去地鐵，佢話要拎番個袋… 係地鐡度，佢訓足全程，佢真係好倦啦…望住佢訓個樣，其實好想可以好似以前咁俾佢挨住我，不過仲係言之過早… 本來想送佢番屋企…不過佢話唔洗… 望住佢走，又係再一陣既傷感 差唔多8年既感情，其實之後係番埋一齊既時候，已經認定左佢會係我的終生陪侶，不過估唔到又散左… 分左手之後，其實一直都仲愛佢的…和以前一樣，冇野可以取代到佢…唉… 佢成日叫我將佢份生日禮物折現，我就話其實我買左野的…其實早係未分手之前就買好生日禮物送俾佢，不過番左黎之後，一直都唔敢俾你，怕你唔會收… 希望，以後我能夠幫你拎袋… P.S. Geoffrey，做乜我打咁多次電話俾你都唔聽，又唔覆番我！我想搵你呀！
-
飲下午茶 + HAP飯局
尋日送左Sally入急証，番屋企都4am，搞一搞，5am先訓… 今日我麻麻(grandma)叫我起身食飯都冇食… 之後1:30 pm Cookie打黎問我飲唔飲茶wor，2pm後有"下午茶"，拿拿臨起身，不過都遲左去，同埋去到果時都仲未醒得晒，冇乜胃口食，到食甜品果時先叫醒番少少… 之後Cookie陪Sally去柴灣洗傷口，我其實都想去，但屋企真係有野做… 係地鐵站，Cookie媽問我係咪真係同Sally冇機會… 搭車番屋企，吸左塵，等人黎拎我個行李去整… 約左HAP (summer course)班人6:45pm係旺角等，但係我6:45仲係炮台山… 7:15去到旺角，行要先去旺電買Aten KVM($189)，Linksys WRT54G($360)，機箱風扇要黎換左宜家好嘈既CPU風篇($15) 7:30先到新世紀食飯，原本以為有好多人，點知得Teddy, Andrew, Michael, Eline同遲d到既Carol，其他有三個CU讀醫既考試，有d就因為冇女所以唔黎…哈 6個人，一d都唔飽，咁就食左$50… 之後入左xbox360 showroom玩左5分鐘…去番mtr果頭，睇下有冇機鋪，點知大果間執左(其實一早都知，只係去証實一下)，入左Mc記食左d野… 番屋企，發覺隻WRT54G行唔到WDS，仲有因為係version 7，新得濟，唔可以flash dd-wrt…激死，早知睇清楚先買…
-
送左Sally入醫院
唱唱下K，Sally打黎，較以前溫渘咁話"我有d野想同你講"，原來佢撼穿頭，擔心死我… 以為佢係醫院啦，點知原來佢冇去，只係止左血同埋係朋友度洗左小小傷口就算…我果時只係話可以陪佢去急証…佢話聽日先… 分左手之後，就冇再迫佢，今次都係一樣，因為唔想再俾人cut線，佢話聽日先睇醫生，雖然聽落好嚴重，但我再冇權迫佢了，佢話今晚唔敢番屋企，去Cookie度過夜…收左線之後打左Cookie叫佢拉Sally去醫院… 佢去到Cookie屋企，Cookie打黎，叫我搭的士去佢度接sally去醫院…果然係我叫唔到…其實有少少唔開心的，但冇法吧…(其實唔明點解Cookie唔叫白車) 尖沙咀搭到去柴灣，見到Sally落黎，係的士度，再一次好似以前咁攬住佢(唔係佢會暈車浪)，不過佢"捱"過黎之前問我係咪真係唔會有野，其實冇諗過…攬住佢，可能之前都會咁攬，所以冇乜特別感覺，反而佢仲多疑過我… 去到，打左支破傷風針，洗左傷口，用d頭髮扎住左個傷口，唔洗聯針，岩晒佢，佢怕痛… (其實係醫院等佢洗傷口果時，唔知點解，有d想喊) 之後走，其實有諗過帶佢黎我屋企度訓，問左佢一次，佢又話我媽係度果d，其實，宜家，我都冇所謂了…anyway，上左的士，冇話去邊，留番俾佢決定…佢問我石明住果度叫乜…我話"豐華村"… 送左佢上Cookie度，交帶番一d Cookie要注意既野就搭的番屋企… $133由TST–>豐華村接Sally–>東區醫院 $83.6由東區醫院–>豐華村送走Sally–>北角… 破財了，但錢，可以解決一些問題…幾好 如果錢可以解決所有問題，仲好！不過冇可能… Sally係醫院等緊果時話好窮，想我俾錢佢，其實我唔知佢有幾認真…i mean，佢知佢真係窮，但唔知佢係咪真係有心問我定係點…係的士度，攬住佢都會confirm一下我地之關既關係，但轉果又問我羅錢，真係唔知佢想點…俾佢其實唔係問題，不過只係唔知佢想點… 番到屋企，都4am，其實都有d擔心佢，5am先訓，都係訓得唔係幾好 P.S. 佢大學d frd，正人渣黎，冇一個會叫白車，都唔緊要，當佢死蠢，但冇一個人肯陪佢去急証，話要等2-3個鐘…真係好想打鑊佢勁…用人渣黎形容冇錯…
-
聖誕節
如果我同sally冇分手，聖誕節會係我地一齊8年既日子…oh well… 想出街…所以就用左好多個鐘約人出街(上晝約到下約3pm)，不過冇個肯出黎…結果同劉欣平傾左個半鐘… 夜晚同Clement, Mike Suen同Samson去左渣華道打羽毛球，9-11pm…期間鄧創文黎左，佢戴住頸巾打左陣，都唔點解佢會戴住頸巾黎打，不過之後佢就掛住同條女傾電話…聽聞佢溝左個婦女會Form3-4既學生… 打完一齊行番屋企果時，有個女仔，鄧創文又識囉，CWCC Form4 wor，真係識得多女，佢好似個個form都識唔少咁… 11:57pm，收到個Merry Christmas既SMS，但唔知邊個黎…寫住"Fr.Rhema"，睇左一陣先知原來係"from Rhema"，因為我原本冇佢電話，所以咪唔知係佢send俾我囉…咁宜家有佢電話諗住打番俾佢，點知聽電話果個人話打錯，真係有點…汗…
-
平安夜
今日一早同G一齊去聽Sally唱歌比賽，對佢演出有少少失望，不竟佢之前果晚6am先訓，即係冇訓過一樣…唱得唔好都係正常…話時話，G果部NDS真係幾得意… 之後同Parents行左陣銅鑼灣… 之後去左契媽度食聖誕大餐…好多野食，好飽…
-
係屋企冇野做
成日都只係係度MSN，download歌… 夜晚借左Behind Enemy Line 2黎睇，一般，都係第一集好睇d… 有d悶… 夜晚Sally打黎問我聽日係咪去，我一開始第一句認唔到佢把聲，第二句先認到…anyway，落機後send sms俾佢見佢唔覆，以為佢唔想搵我，估唔到佢會打俾我呢…同埋原來聽日G都會去… 12點打左俾Sally同佢講聖誕快樂，仲知左d野…嘩哈哈…hehe
-
第一日係香港
其實想搵Sally，但又唔敢打電話俾佢，其實尋晚send左sms俾佢，不過佢冇send番番黎…唔知會唔會唔想我星期日去聽佢唱歌呢… 今日7am就彈左起身，就訓唔番…可惡… 成日都係屋企，想約人去街約唔到… 最後拎番支久遺既結他出黎彈…"她來聽我的演唱會"… 唉…有點感觸… 可能又要買電腦…諗緊買唔買好，買既話買一部定兩部好…
-
考完213再溫451
今日考213，考5:30->8:30… 份倦難過上年果份，不過都managable，考之前係78.6/80，即係final有70%都會A… 其中有一題… (gdb) x/12w esp 0x05550558: 0x03350501 0x0335… … … 0x05550568: 0x03350501 0x0335… 問%esp係乜，但係因為我睇唔到有個冒號，搞到唔識做…對住條題目對左半個鐘先發現個冒號…哈 番到房，溫451…聽日8:30考囉…預埋訓既時間，即係得4個鐘左右溫，咁就可以訓7個鐘… 點知溫到2am，仲幫埋Mojo裝Raven Shield，搞到3am！ 都唔緊要，仲要到6點都訓唔著… P.S. 訓之前驚聽日起唔到身，打俾Sally睇下佢可唔可以叫我， 佢話今晚有exam，我話唔係16號咩，佢話咁係囉，要溫書碼…唉唔想都唔洗講大話掛…一向都唔鐘意人呃我，sad thx Corn and Sam