Category: Uncategorized

今日呢我哋9:00起身，原本諗住同君君扭氣球。點知佢唔鍾意，所以我哋就直接去咗食早餐。 食完之後，媽媽就返上酒店房休息。爸爸就同君君出去玩啊！ 爸爸同君君去咗玩車車，佢哋玩得好開心，仲影咗啲相。 佢哋玩完之後，就返嚟屋企沖咗涼，然後瞓陣晏覺。瞓醒左之後，佢哋就落樓下嘅泳池嗰度游水同玩。晚餐我哋都係去返trapizza度食。

你朝頭早食cheese cake就出咗去 先係去咗Microsoft嘅tree house，跟住就跟咗Jody Ho去Facebook嘅基地嗰度玩 君君好鍾意食嗰度嘅薯片，同埋Wasabi紫菜。 之後我哋又再去Bellevue downtown park 跟住我哋就食咗Andiamo 我哋再去爸爸嘅同事Dan 屋企 君君都可以同佢哋有簡單嘅英語對話，頗欣慰

今日君君瞓到11點半，我哋大概12點鐘左右，爸爸就返嚟屋企接我哋去公司，有好多野玩。 我哋仲見到Bella。 係公司嗰度食咗嘢，就整返個badge君君 君君好開心 之後我哋就去咗同爸爸一齊做嘢 其實係阻頭阻勢 之後我哋去咗Bellevue downtown park嗰度玩 夜晚我哋order左tuna House

今日，我開始追另外一套韓劇，叫做當你沉睡時。 下午去blue Sardinia 食午餐，之後去咗Ross，買peppa pig 玩具，之後番屋企做家務，君君要瞓覺，爸爸出去Costco 夜晚，食tropea

今日早上就出去Seattle, 行去pier ，不過無特別，之後約了Alvin 食東來。 之後去Alvin 家玩。回家後睡了一會，之後買McDonald 夜晚，收到Henry’s message，佢話十月唔可以去佢果度住，因為Sufiah 唔想咁密hosting. 我有種被傷害的感覺，覺得我們不受歡迎。當然，除了Henry 同老公係朋友，我同仔仔的確唔係同Sufiah 好close. 話哂，果度係佢地屋企，之前我地係顧及不足佢地真實感受。連君君都當果度係second home, 難怪佢地唔想。只係，Henry 話我地仲可以去揾Bella play date , 好似令我感到我地如果去搵佢地都係佢地一樣offer?? 其實係朋友就會想見下面，唔應該係offer嚟。感覺好似連揾佢都係恩惠我寧可唔揾啦。我覺得寫得咁白就好似趕客令一樣，諗住會再見又點會咁講？起碼我唔會。幾個月前我地問佢可唔可以住係佢地度，佢哋遲遲未覆，已經有不詳之感，似乎我地嚟唔係令佢地開心嘅事。 不過實際上，我地成日番去都有問題，就係君君無咗一個伴。怕佢悶。 之前好安心有Henry 屋，可以每次去美國渡假。不過而家好似醫學生clerk 爛case 咁，病人唔想再俾醫學生問病。下次佢地會話Bella 要有獨立房。講真，逐客係遲早嘅事。

今日，同老公四點鐘就醒咗！君君就由11點幾瞓到今日九點幾。我哋食咗個面，就出咗去T mobile buy SIM card. 之後我哋就係同Jody去outlet 去嘅途中，君君嘔咗兩次。爸爸好擔心。 我哋喺outlet嗰度唔係買咗好多野，見君君唔係咁舒服咁，又嘔左一次，所以行咗三個鐘左右就走啦。 夜晚，我哋去咗andiamo ,君君好鍾意食佢哋嘅海鮮寬條麵。其實佢好鍾意食嗰個面，係有啲辣嘅。 我哋食完就走，君君八點幾就瞓着咗啦。

最近君君鍾意玩puzzle，佢而家自己可以砌到三十塊puzzle啦！ 最近仲有自彈自唱一首普通話歌：新年好呀 佢仲叫我錄低佢！

今日我哋10點鐘左右先起身 因為係Thanksgiving day ,所以好多鋪頭都無開。我哋最後食咗麥當勞午餐。 下午嘅時候，我哋返咗屋企，君君同爸爸瞓咗晏覺，我就自己一個喺度睇書。夜晚黑我哋就去咗食東來。

今日10點鐘起身，起初乜嘢嘢都唔肯飲又唔肯食。我等到11點鐘，佢先至開始肯食嘢。佢食咗曲奇餅再加一件麥樂雞再加小小魚柳包，再加大半支雪糕批再加少少維他奶。一點鐘左右飲埋支牛奶。 點知成日君君都唔願意瞓覺，所以三點幾嘅時候，我就再比多半支雪糕批佢食。 搞搞下，爸爸5:00左右就返咗屋企。咁我哋就出咗去食outback