Category: Uncategorized
-
第1o日喺美國
今日君君九點幾鐘起身，我同佢睇左一陣電視，食咗陣野，佢就瞓覺啦。爸爸今日都比較早返到黎，同我地去Hana sushi 度食晚餐。今日係bella嘅生日，我哋一齊食蛋糕。君君成日捉住Bella ,要拖佢隻手。
-
Apple Watch Series 3
最近我成日都想買野，但又唔知買咩好，一來好多野已經有，二來又唔想曬太多錢。 左諗右諗，婆仔話買隻Apple Watch比我，我就覺得話要成＄3000有啲貴喎，婆仔就話， ＄2000啫！我話係2888啊！ 中午時候去咗門市度睇，睇完一輪，個sales話要update去iOS 11先得喎，我諗左諗，咁咪check唔到我嘅email ?因為iOS 11有個bug會check唔到outlook嘅email 最後夜晚婆仔立定決心，手起刀落緊買咗隻Apple Watch比我，不過返到屋企嗰陣我搞咗好耐先update到個電話係iOS 11，所以去到要訓禮物仲未開封。
-
係留返係HA
經過一連串嘅思考之後，雖然出面都俾咗一個算係唔錯嘅Offer比我，其實都唔係好過HA好多，但係又要面對着轉變，做一啲自己唔熟手嘅嘢，同埋工作時間長咗。假期都係一樣好重要嘅因素，因為我好想可以同君君得閑去吓旅行。我唔想為咗賺錢，而冇咗生活。我都係撻皮HA啦！
-
第14日在美國
今日君君仲未起身，媽媽就去咗廁所先 就嚟要出去嘅時候，突然之間有人想開門喎！ 一驚，開門之後發現原來係君君豬。君君居然知道媽媽係廁所度！真係好叻豬啊！ 晏晝嘅時候，我哋就同左Sufiah去咗食一間日本料理。夜晚黑，我哋就去咗接珊珊放學，順便去麥當勞買嘢食。我哋買咗啲薯條同埋魚包俾君君。
-
攞件袍返去college
今日，爸爸同君君一齊返去college度幫媽媽還袍！
-
Interview
今日君君去咗衞理堂幼稚園interview。君君同平時一樣，就係企喺度乜都唔做。所以整體嘅表現都唔係太好。不過，係自由活動嘅時候，爸爸同君君玩，爸爸將個玩具擺喺君君嘅頭上面，君君就照樣想擺個積木係爸爸嘅頭上面！老師見到都覺得好得意！臨走嘅時候，有兩個老師仲走去泡君君！君君表現都幾好，好淡定，冇扭計！唔知有冇機會呢？