Mindblown: a blog about philosophy.
-
Rubik’s cube
學咗一個星期，練咗一陣，君君用咗8分鐘就搞掂咗！
-
Solid food, 向後爬，ok
自從五個月大開始食固體 而家越食越好 30 ml purée 吞得好快🤘🏻 呢排手臂腳力更加好，可以向後爬少少，之前都可以左右爬少少 轉身都快咗好多 前日同佢玩，叫佢轉身過嚟 佢居然答我OK，之後轉過嚟
-
Fine motor
細佬識得玩玩具，左手交右手
-
君君寫字
而家越寫越快，越寫越靚！眼睛呢兩個字都係需要1分鐘就寫完。
-
大佬要筷子
食緊飯嘅時候，大佬同爸爸講：「我想要筷子。」 爸爸話：「呢個係大人筷子嚟㗎，你想要就買細路筷子俾你啦。你係咪想學用筷子啊？」 君君就話：「唔係呀，要來吉粟米。」
-
細佬轉到身
-
大佬5歲
今日係大佬君嘅5歲生日。 就係兩個月前，佢已經提早打點自己嘅生日。佢叫人哋買禮物俾佢，買生日蛋糕。 我哋問佢想要咩生日禮物，佢居然同我哋講係「記憶遊戲簿」….其實係學校嘅默書簿。 於是我哋同學校買咗三本😅😅😅 我哋一齊玩默書😅😅😅😅 當然今年我哋嘅生日禮物唔係真係咁頹。我買咗佢最鍾意嘅屁屁偵探書同埋屁屁偵探衫。爸爸買咗Macformers，意外地買一送一。 疫情關係，工人姐姐買唔到禮物，佢就話由姐姐煮佢最鍾意食嘅whole chicken 同埋春卷。 其他親戚都有買禮物送俾佢，君君好開心😇 仔仔佢同我行入花店，問我鍾意乜嘢。我話鍾意太陽花，佢就買咗俾我。媽媽超開心呀⋯⋯只係之後佢凋謝左，君君喊咗兩日😅
-
學轉身
最近細佬學翻身，都可以轉90 degree 佢真係比較活躍㗎，次次起身嘅時候，都發現佢個身自轉左90度 而且佢自己young 下又會向前向後蠕動 🤣 依然係好鍾意講嘢 仲會學我講嘢嘅音同埋學我玩脷🤣🤣🤣
-
生日
今年我嘅生日君君非常之雀躍 一個月之前，就已經同我提及生日要點樣慶祝 仲叫埋嫲嫲買蛋糕俾我同埋叫工人姐姐買禮物送俾我。當然佢係都有同我講，佢會送禮物俾我，叫我喺佢生日嘅時候送返禮物俾佢。 一個月之前，我同佢沖涼嘅時候，我同佢講：「我哋一家人係唔會有秘密㗎。」 佢就好快同我講：「我有個秘密啊！」 我問佢：「乜嘢秘密啊？」 佢就話：「我同爸爸準備咗生日禮物比你。」 我問：「係乜嘢禮物呀？」 佢就話：「memory game lor (君君之前想爸爸買俾佢嘅生日禮物，係我哋每個人一本默書簿，玩記憶遊戲）」 之後比我聽到佢同爸爸講：「我冇講到出嚟啊。」 
-
八個$6
話說君君我想買一個switch game 君君就要儲錢。爸爸話如果上堂答啱問題，就有一蚊 君君好努力咁樣答問題 爸爸叫君君五個錢幣一行，容易啲數 但係君君硬係要6個一行 爸爸激到彈下彈下 今日夜晚黑瞓覺，君君終於講出點解要咁樣 佢話，要儲錢買遊戲，唔可以買嘢俾媽媽 儲夠八個$6就可以買到captain toad 原來個遊戲要$6美金㗎！ 
Got any book recommendations?