Mindblown: a blog about philosophy.
-
被照顧的感覺真好
今日君君8:15自己起身 佢問我：「媽媽我今日係咪要返學？」 我：「係呀，你要返興趣班。不過你可以遲少少起身，瞓多一陣啦。」 佢：「唔得呀，因為我要早少少食早餐。不過媽媽你瞓多陣啦，我自己出去得㗎啦。媽媽，你好似成日都鍾意食蛋，我叫Sheila整多隻蛋比你啦。」 跟住佢自己就想去廁所，然後同我講拜拜。 呢排我唔舒服，君君真係好似長大咗。之前會扶我去廁所，提我着拖鞋。😊
-
10年
我同爸爸已經相識左10年啦！ 我哋之後仲會有好多好多好多個10年㗎😊
-
星加坡第五天
聽日我哋朝頭早10:00鐘起身食早餐，之後就送咗君君去indoor playground 佢玩到2:00 ，我哋就帶佢一齊搭的士去機場
-
新加坡第四天
今日10:00落咗去食早餐，都有幾多嘢食。所以我叫埋君君同埋爸爸一齊落樓。 君君見到葡撻好開心。不過佢今日喺度串我呀！佢話：「Monkey好鍾意食香蕉。我就唔鍾意食香蕉啦。媽咪都鍾意食香蕉。咁媽咪咪即係Monkey囉！」 食完之後，佢就入咗 indoor playground 嗰度玩。爸爸同埋我就喺房嗰度休息。 1:00 ，要帶返君君返上樓睇吓我哋就叫左seafood chowder 。君好鍾意食。 2:00，爸爸帶返佢落去indoor playground 。同爸爸有繼續休息。 5:00，我哋一齊搭Cable Car。君君想再玩嗰隻落山嘅車。我就喺附近嘅Starbucks嗰度坐低食almond 。 8:00，去trapizza 食晚餐
-
星加坡第三天
聽日我哋9:30左右先起身， 10:00先落去食早餐。食完早餐都差唔多11:00 ，原本諗住去KidZania 玩，點知佢哋話要等成一個鐘。咁我哋冇可能等到咁耐，於是就走咗啦。因為我唔係好方便行得太多同埋棋得太耐，我就選擇返番酒店。爸爸同君君就去玩4D adventure 我等佢哋返嚟，等到非常之肚餓，就自己開咗包M and M食。食完之後都仲係好肚餓，就叫咗個seafood chowder送入酒店房。 冇幾耐佢哋返到嚟，我哋食咗陣野之後，又休息左一陣，就落咗去樓下。爸爸同君君去咗indoor playgrounds嗰度玩。跟住我就同佢地一齊去Nestopia 。 玩完之後，我哋就返屋企沖涼，然之後就落去樓下晚餐到食自助餐。 食完自助餐，君君又再去過邊度playground 嗰度玩。然後我哋就返上樓休息啦。
-
撳一字呀
話說今日君君送嫲嫲走，佢開門俾嫲嫲，臨閂門之前，佢同嫲嫲講：「撳一字啊！」 其實佢係扮爸爸同其他朋友講 不過我問佢邊個教佢咁講架，佢就話我自己教囉！ 
-
星加坡的第二天
今日呢我哋9:00起身，原本諗住同君君扭氣球。點知佢唔鍾意，所以我哋就直接去咗食早餐。 食完之後，媽媽就返上酒店房休息。爸爸就同君君出去玩啊！ 爸爸同君君去咗玩車車，佢哋玩得好開心，仲影咗啲相。 佢哋玩完之後，就返嚟屋企沖咗涼，然後瞓陣晏覺。瞓醒左之後，佢哋就落樓下嘅泳池嗰度游水同玩。晚餐我哋都係去返trapizza度食。
-
喺星加坡
今日第一日去星加坡。本來朝頭早5:00要起身，點知部飛機delay咗，所以我哋瞓到差唔多六點先至起身。其實係爸爸同我地覺遲咗個鬧鐘嘅。 搭飛機要成四個幾鐘先到，我喺飛機度瞓吓又聽下歌咁。君君好興奮，喺機上係咁問問題。 1:00先至落機，搞咗一輪1:45先搭的士。20分鐘左右就到酒店啦。我哋之後就去咗樓下嘅8noodle嗰度食咗個蟹肉鮮蝦炒飯，唔係好好食。 之後我哋就上咗酒店房瞓咗個晏覺。 6:00左右，爸爸就帶咗君君落去Nestopia 玩，君君原來都幾大膽㗎。 之後爸爸就去接返我一齊去trapizza 。我哋食咗pepperoni Pizza同埋海鮮risotto 。呢一間味道唔錯。之後我哋就去咗7-11買少少零食。 然後我哋就返去酒店度休息下啦。
-
君君的英文幾好
我地玩switch，見到白兔仔坐牢。爸爸話：the rabbits are ….. 君君接著說：jailed
-
老公要我記低
話說我而家陀住咗個BB 14個禮拜啦 兩個禮拜之前，知道佢又係男仔 老公就喺度沾沾自喜，覺得自己啲Y好強勁 最近香港實在太多催淚彈 搞到我都唔敢出去油尖旺同埋銅鑼灣 所以老公都肯同我去旅行 你打算12月會去五日星加坡嘅聖淘沙 老公驚我太辛苦，所以特登話要book香格里拉嘅度假酒店，超貴架！加埋稅，都差唔多$4000一晚。我好期待呢！
Got any book recommendations?